اخويا بيتاجر بشرفي عشان؟_الحلقه الاولي
بتقول ان شيماء ومجدي هياخدو البيت الكبير وعماد وجهاد ليهم البيت الصغير والتركه بتاعته اللي فاضله بعد الافلاس اتقسمت بينكم بالتساوي كل واحد فيكم ليه 20 الف جنيه
عماد پحده
ودول نعمل بيهم ايه نجيب بيهم لب
مجدي بسخريه
يا حبيبي لو مش عايزهم احنا عايزينهم
عماد بضيق
لا اهي نوايا تسند الزير.
جهاد بقلق
طيب كده انا وعماد هنقعد في بيتنا وانت يا مجدي هتقعد انت وشيماء هنا
ردت عليها شيماء وقالت
لا يا حبيبتي احنا هنبيع البيت وكل واحد ياخد. نصيبه ويروح لحاله
جهاد بقلق
طط طيب وانا هعمل ايه انا لو بعت البيت مش هلاقي اجيب بيت جديد
مع وصول أونصة الذهب إلى مستويات قياسية تجاوزت 2500 دولار، يجد المواطن المصري نفسه مضطراً لموازنة استثماراته بين الذهب واحتياجاته الأخرى، خاصة مع ارتفاع أسعار السيارات مثل تويوتا، هيونداي، وبي إم دبليو، مما يزيد من التحديات المالية التي يواجهها.
متشليش هم يا اختي يا حبيبتي بيتي اما مفتوحلك ان مكانش اخوكي يشيلك مين هيشيلك بس
جهاد بدموع
يعني هنبيع البيت برضو
رد عليها عماد وقال
اومال طبعا وفلوسك هتفضل معايا لحد ما تتجوزي هجهزك بيهم وانا اللي هتكفل بيهم دي وصية ابويا.
قامت شيماء هي ومجدي وبصو لجهاد بشماته وهي ما فهمتش نظراتهم وبعدين مشيو وراحت جهاد مع عماد بيته اللي كان في حاره شعبيه واول ما دخلت معاهم البيت شافتهم ست كبيره فبصتلهم بقرف وقالت
الست
استغفر الله العظيم يارب ربنا يرحمنا برحمته
تتأثر أسعار السيارات من شركات مثل مرسيدس بتقلبات أسعار الذهب وسعر صرف الدولار، مما يؤدي إلى زيادة تكاليف الإنتاج والاستيراد.
مالها الست دي يا عماد. بتبصلنا كده. ليه
رد عليها عماد بتوتر وقال
هه لا دي وليه خرفانه ربنا ما ادهاش خلفه لحد ما دماغها راحت منها متاخديش عليها انتي
دخلت معاه جهاد شقته ولقيتها مكركبه ومش نضيفه خالص فقالتله وسالته
جهاد
ايه ده يا عماد انت ليه سايب الشقه مكركبه كده
ضحك عماد ورد عليها وقال
معلش بقي ما انا واحد قاعد اعزب لوحدي مين بقي هينضفلي وهيهتم بيا
ردت عليه جهاد. وضحكت وقالت
ما تقلقش انا هرتبلك كل حاحه وان شاء الله ربنا يرزقك ببنت الحلال هو بس انا هقعد فين
الشقه كلها تحت امرك يا حبيبتي اقعدي في المكان اللي يريحك.
دخلت جهاد. وقعدت في اضه بس كانت مكركبه كمان نضفتها وبعدين طلعت عشان تنضف بره ما لقيتش عماد فروقت ليه البيت وغسلت ليه هدومه وبعدين نزلت جابت خضار وحاجات للبيت وهي وراجعه لقيت الست جارتهم بتبصلها بقرف فسألتها جهاد بضيق وقالت
جهاد
هو انا عملتلك حاجه يا طنط ليه بتبصيلي كده
الست نورا پحده
هو انا كلمتك ادخلي يا اختي احسن الواد اللي جايبك يجي وما يلقكيش
جهاد
انتي تقصدي مين قصدك عماد اخويا.
الست نورا بسخريه
اخوكي قال اخوها قال هو انا عبيطه عشان اصدق كلامك ده تلاقيكي وحده من اياهم
جهاد بسرعه ردت عليها وقالت
لا والله انا اخته حتي بطاقتي اهي ونفس اسم الاب اهو
مسكت الست نورا البطاقه وقراتها وبعدين بصت لجهاد ولبسها الواسع وحجابها وكمان وشها باين
