حق اختي _الحلقه الثانيه_بقلم رحاب القاضي

عشان ما تزعليش حرام عليكم..
سيده 
عمك بيعمل الصح دلوقتي عشان سمتتك وسمعتنا كلنا..
دلال 
انا هجرسكم وهوديكم في داهيه لو ما طلعش من عند اختي وسابها..
سيده بعصبيه 
طيب فكري تنطقي كمله تاني وانا هخليه يخلص عليكي انتي واختك وريحني منكم اخرسي خالص..
قعدت دلال علي الكنله وفضلت تبكي وبعد شويه طلع عمها وهي راحت وقفت عند الباب وما قظرتش تفتحه وتشوفها وفضلت تبكي وقالت
دلال 
حقك عليا يا اختي انتي كنتي ديما بتحميني من اي حاجه وبتيجي علي نفسك عشاني وانا معرفتش احميكي منهم النهارده.. بس والله وغلاوتك عندي لاجيبلك حقك منه هو السبب انتي وثقتي فيه وهو طلع واطي..
دخلت سيده وقالت
الله يرحمها وبغفرلها ذنبها تعالي عشان تروحي مع عمك وهو بيجيب الكفن والتصريح يلاااا..
دلال 
انا مش هسيب اختي وحقها في رقبتك يا امي انتي اول وحده انتي اللي رمتينا بايدك لعمي يبيع ويشتري فينا..
سيده بدموع
خليكي هنا وانا اللي رايحه مع عمك..
مشيت سيده مع علي وقامت دلال والحقد بقي مالي قلبها واخدت شنطة هدومها والخاتم بتاع اختها ومشيت من البيت ورجعت القاهره..
وراحت بيت ام ابراهيم اللي شغاله عند عمها..
ام ابراهيم 
انتي مش بنت اخو الاستاذ علي وعرفتي عنواني منين..
دلال
انتي قولتي قبل كده قدامي انك ساكنه في الخان وانا جيت وسالت عليكي هنا..
ام. ابراهيم 
وعايزه ايه واستاذ علي يعرف اني ساكنه هنا..
طلعت دلال الخاتم الالماظ من شنطتها وقالت
خدي يا ام ابراهيم ده خاتم بالوصل بتاعه بيعيه بس عمي ما يعرفش اني جيتلك..
ام ابراهيم 
وانتي عايزه ايه انا من ايدك دي لايدك دي..
دلال
تعرفي واحد اسمه مكرم بيه كان عمي بيبعت ناس تشتغل عنده..
ام ابراهيم 
ايوه اعرفه ده راجل كبير اووي في البلد وليه كلمه مسموعه..
دلال
انا عايزاكي تشغليني عنده وما حدش يعرف فاهمه..
ام ابراهيم 
اعتبريه حصل يا دلال بس هو الخاتم ده يجيبله كام الف دهب..
وفي بيت ثريا كان عمر مدايق وقالها
يعني ايه مشيت ومن غير ما انا اعرف..
ثريا 
انا عارفه ان البنت كويسه بس شكل كده وراها مشاكل ومش شبهنا يا عمر..
عمر
انا عايزها وماليش دعوه باي حد غيرها وهروح بلدهم وهخطبها..
ثريا 
اللي انت عايزه اعمله يا عمر بس لو الموضوع تم انا مش عايزه حد يدخل بيتي غيرها هي يا عمر وانا هعرف اخليها شبهنا..
عمر
بس اجيبها الاول تاني هنا وبعدين ليها الف حل..