يوم فرحي اتجوزت المأذون والسبب؟_الحلقه الثالثه_بقلم رحاب القاضي

عايزه انك تقوليله مسمحاك..
ولاء بقلق
بس انا متجوزه دلوقتي ازاي يعني اروح لسيف قوليلو انتي ان انا مسمحاه...
الهام پبكاء
مش سامع مني ولا من حد وانتي بنتي عمه اعتبريه اخوكي وتعالي..
ولاء
طيب تعالي جوه هغير هدومي واجي معاكي..
الهام 
لا انا هستناكي هنا بس انتي ما تطوليش..
دخلت ولاء وغيرت هدومها وراحت قالت لصفيه علي اللي قالته الهام..
صفيه 
لا طبعا انتي عارفه لو جوزك عرف هيزعل..
ولاء
لا مش هيزعل سيف ده ما بقاش بيني وبينه حاجه غير انه ابن عمي وانا اهو قولتلك انتي عشان لو قولتله هو مش هيرضي وانا عايزه اقفل الموضوع ده خالص..
صفيه 
طيب وهو لما هتيجي وتقوليله هيعمل معاكي مشكله لا انا مش خخليكي تروحي..
ولاء
بصي يا حماتي انا من لما جيت هنا وانا وانتي پنتخانق بس انا عارفه ان اخرك طيبه وعاؤفه انك هتقوليلي اعملي اللي يريح قلبك وضميرك
صفيه بضيق 
روحي يا ولاء بس ساعه وتكوني هنا..
خلصت كلامها وابتسمتلها ولاء ومشيت مع الهام وراحت معاها بيت سيف ولقيته كويس وما فيش فيه حاجه...
ولاء
بقي هو ده ابنك اللي تعبان يا قرشانه ما هو زي القرد اهوو
سيف 
انا اللي قولتلها تجيبك انا مش هقدر استغني عنك يا ولاء اطلقي وانا والله اتجوزك..
ولاء
ليه هو انا من قلة الرجاله هبص لعيال تاني وبعدين انا متجوزه راجل وسيد الرجاله..
سيف 
بس انا بحبك وانتي هتطلقي منه وهترجعيلي عشان انتي كمان بتحبيني..
ولاء
ومين المتخلف اللي ضحك عليك يا عبيط وقالك كده اووعي تكون امك والله ازعل..
الهام 
ايوه يا ولاء انا اللي قولتله كده اصل جوزك لما هيجي ويلاقيكي جايه عند سيف هنا هيطلقك..
ولاء بقلق
هو ايه اللي هيجيب محمد هنا اصلا..
الهام 
ما انا كلمته وقولتله تعالي حوش مراتك عننا جايه لاسقه في ابني..
اټصدمت مريم بس قبل ما ترد الباب خبط وفتحت الهام وكان فعلا محمد اللي بص لولاء بعصبيه..
الهام 
كويس انك جيت بسرعه اهي عشان ما تقولش اني بتبلي عليها و..
محمد بعصبيه
لو سمحتي يا مدام ما تغلطيش في مراتي قدامي لان دي حاجه مش هتحملها يلا يا ولاء وعلي فكره ولاء قالتلي انها جايه هنا..
مشيت ولاء معاه والهام قالت 
يا نهار مش فايت احنا كده روحنا في داهبه وهنترمي في الشارع..
سيف بغيظ 
ياريت بقي تكوني مرتاحه كده ما هو لو من الاول ما كنتيش خلتيني سيبتها كان زمانا بعنا الشبكه وقاعدين في بيتنا وسددنا الفلوس..
وبعد شويه جه صاحب البيت ورماهم بحاجتهم في الشارع وراحو سكنو في اوضه قديمه فوق عماره في منطقه شعبيه..
وفي بيت محمد اول ما دخل البيت هو وولاء زعق فيها وقال..
محمد 
انا عايز افهم حاجه دلوقتي انتي شيفاني راجل ولا ايه..
طلعت صفيهومن المطبخ وقالت
في ايه بس يا ابني بتزعق كده ليه...
محمد 
لو سمحتي يا ماما اسكتي خالص دلوقتي انا عايز افهم ايه اللي وداكي هناك يا ولاء..
عيطت ولاء وقالت صفيه 
الحق عليا يا ابني انا اللي قولتلها تروح وبعدين الست دي نيتها مش كويسه وباينه انها عايزه توقع بينكم..
ولاء بصت لصفيه وقالت
بس يا حماتي انا اا..
صفيه 
ما خلاص بقي يا بت انتي عارفه انك مش هتعملي كده تاني بس اهو الواحد بيتعلم من غلطه...
محمد 
انا هعديها عشان امي كانت تعرف بس لو اتكرىت تاني يا ولاء انا اا..
ولاء
والله العظيم مش هتتكرر تاني..
محمد
طيب اجهزو بالليل عشان هنروح نخطب ملك اختك يا ولاء لمازن انا كلمت عمي حمدي وهو وافق وقال يفضلو مخطوبين لحد ما يخلصو دراسن واحنا اهو اهل في بعض..
صفيه 
ملك دي هاديه سكره مش شلق زي مراتك..
حضنتها ولاء وقالت
تصدقي انتي مهما عملتي انا بحبك وبحبوانكشك يا حماتي كفايه قلبك الطيب..
بعدت عنها صفيه وقالت
يا عبيطه احنا مهما نتخانق انتي بنتي ومرات ابني مشاكلنا في بيتنا ما حدش يوقع بينا..
محمد ابتسم وقال
واخيرا ربنا يكملكم بعقلكم..
صفيه 
يلا بقي ادخلي جهزي الغدا..
ولاء
في ايه يا حماتي انا لسه جايه من بره تعبانه وانتي قاعده طول اليوم جهزيه انتي..
صفيه 
ولما انا اقوم اجهز الغدا يبقس انتي لزمتك ايه يا سرنجه..
محمد بعيظ 
ده الكلمه لسه ما نشفتش في بوقي بس مستحيل فعلا انتو تتغيروو..
_وفي الاخر يا اخواتي خلونا نتعلم اننا نرضي وان المواقف الصعبه اللي بنمر بيها ممكن جدا تكون بدايه جديده لينا في حياه اجمل بكتير..
وده اللي حصل مع ولاء بداية حياتها
مع محمد كانت بهروب عريسها مع فرحها وانتهت انها كسبت زوج وام واخ تانين وعيله جميله وربنا بعد عنها سيف ومامته وحقدهم عليها.. 
_ومع السلامه ونتقابل في قصه جديده