صحبتي خلتني اخرج من غير حجاب ولما ابويا شافني عمل؟ بقلم الكاتبه هويدا زغلول
عايزك دلوقتي تدخلي اوضتي وتوضبيلي شنطتي
هند
ليه كدا بس رايح علي فين
احمد
والله في واحد كدا معرفه جمعلي شغلانه حلوه كدا ومكسبها بيقول انو كويس عروح بقا اسافر واجرب حظي فيها
هند
طب ماتخليك هنا وسطنا علي الاقل بتنام في بيتك وعلي فرشتك كمان وبتقالي لمه معموله
احمد بمرح
مبلاش حوار اني بلاقي اللقمه المعموله دي لان ابوكي لو عليه ميأكلناش اصلا ويخلينا شبه مجاعت الصومال كدا
ضحكت وقالت
والله علي رايك المهم يعني الشغل ده هتيجب في اجازه كل قد ايه طيب
احمد
والله ياهند ماعرف اي حاجه عن الشغل اصلا انا هروح لسه واشوف لمه اظبط دنيتي ان شاء الله كدا هبقا اشوف اجي امتي
هند
خلاص ماشي ياخويا وربنا معاك ويوقفلك كل ولاد الحلال يارب
احمد
يارب ياهند يارب بالله عليكي ادعيلي كتيرر انو ربنا ييسرها معايا
والله بدعيلك يااحمد من غير اي حاجه
احمد
طيب يلا بقا روحي لمي الاكل اللي هو مش موجود ده اصلا وانا هروح انزل قعد غلي ابقهوة عبال ماانتي تكوني لمتيلي حجاتي
هند
طيب صح مش هتقول لبابا انك مسافر
احمد
وانت فكرك بابا هيفرق معاه انا سافرت ولا قعد ولا والله ده هو احب من علي قلبو اني امشي اصلا طلام ده هيوفرله وجبه من الاكل ياستي انتي بتتكلمي علي اساس مش عارفه اللي فيها ياهند
للاسف عارفه اللي فيها وعارفه انو بخيل جداااا حتي علي نفسي بس والله اوقات يااحمد كنت اتمني انو ميبقاش كدا بس هنعمل ايه اسمو ابويا بردو
احمد
اهو انتي رديتي علي نفسك اسمه في الاول والاهر ابونا ياهند يلا بقا هروح انزل انا بقا
هند
خلاص ماشي روح
ونزل احمد وفضلت قاعده هند مدايقه علي الحال اللي وصلو ليه
وبعد مرور شهر
سيد
هو ده اللي انتي فالحه في بس انك تقومي تعمليلك حاجه في البيت لا صح
هند
هقوم اعمل ايه يعني يابابا ماالبيت زي ماانت شايف اهو مافيهوش اي حاجه اصلا متروق ومتظبط في كل الدنيا
سيد
ردي عليا ياهند كويس ردي المهم مافيش اهبار عن اخوكي اللي سافر ده ولا اتصل ولا سأل ولا حاجه
لا يابابا ماتقولش انك قلقان عليه انا كمان والله قلقانه عليه مش عارفه عنو اي حاجه
سيد
قلقان عليه وزفت ايه انا بسأل علشان مش معقول يكون مسافر بقاله شهر شغال وكل ده مقبضش بس انا عارف انو اخوكي ده سوسه انا عارفه
هند بحزن
ليه بس كدا يابابا بتقول عليه كدا طب والله احمد ده غلب الدنيا كلها فيه
سيد
لان احمد. ده محدش فاهمه غيري هو عمل كدا وتحجج بحاول السفر والشغل علشان ميدنيش الفلوس بتاعته انا اصرف منها بس انا بقولك اهو لو اتصل بيكي ولا كلمك قوليلو يبعت الفلوس اتتي فاهمه ولا هو بيبعتلك وانتي مش قايله يابت انطقي
لا والله ورحمة امي من ساعة ماسافر ولا بعت اي جنيه
سيد
خلاص خلاص انتي هتشحتي ولا ايه المهم انا قولتلك اهو وانتي حره انتي وهو بقا انا داخل انام احسن واه صح لو حد خبط عليكي متفتحيش
هند بإستغراب
ليه مين اللي هيخبط علينا يابابا
سيد
هيكون مين يعني غير الديانه اللي عايزين مني فلوس وانا خلاص مبقتش عارف استلف من مين تاني مبقاش حد اصلا عايز يديني ولا يسلفني مديت ايدي للكل محدش بقا بديني فلوس كع اني عارف انهم كلهم معاهم فلوس علي قلبهم قد كدا بس يلا هبقا انزل بعد العشا ألفلي لفه كمان كدا واشوف حد يسلفني اصل انا هفضل وراهم وراهم هروح
