حماتي الاول والتاني والتالت

انا هشيلك فوق راسي بس ديلي لا مش عايزه اموت
سماح
طيب يا خالتي انا اشوف اخرتها معاكي ايه اتفضلي اقعدي مش هعملك حاجه طول مانتي كويسه معايا
الحما 
طيب ابعدي بعيد عن الديل بس كده شويه
ولما عبد الله جه قالها
عبد الله
هاه يا امي عامله ايه يا حبيبتي
الحما
كويسه يابني انت كويس
عبد الله
الحمد لله كويس ديلك عامل ايه
الحما
ادعيلي ربنا يزيحه عني يابني بدل ماهو ملازمني كده
عبد الله
ربنا موجود يا امي قادر علي كل شئ يلا يا رحمه حضري الغدا
سماح
حاضر يا حبيبي هاه يا خالتي انتي كويسه ولا تحبي اجي اقعد جانبك شويه
الحما
لا لا كويسه كويسه شوفي وراكي ايه يابنتي
وبعد الغدا عبد الله قال
عبد الله
أنا قبضت وده القبض بتاعي يا امي كل شهر وانتي طيبه
الحما
هات يا حبيبي 
روحت بصيتلها بصه خليتها تترعب و راحت قالت
الحما
لا لا خد يابني انت حر انت ومراتك انا ماليش دعوه بفلوسكم
استغرب عبد الله اصلها من ساعه ماتجوزنا كانت بتاخد القبض وتقول
فلاش باك
الحما
أنا اللي أمسك مصروف البيت يا عبد الله مافيش حاجه اسمها رحمه هي اللي تاخد مرتبك ليه هي هتعمل عليا واحده ست دي عبيطه دي ممكن حد يضحك عليها ويسرقها
عبد الله
اللي تشوفيه يا امي حاضر
سماح
يا عبد الله انا ساعات بحتاج اجيب حاجات لنفسي
عبد الله
طيب يا امي اديها فلوس تبقي معاها في المحفظه حتي
عبد الله
لا هي مش بتاكل وبتشرب وكل سنه بجيبلها هدمتين خلاص كفايه عليها
افتكرت كل الذكريات دي وقولت الديل ده جه في الوقت المناسب لازم استغل كل دقيقه الديل ده موجود فيها
وبالليل لما جينا ننام راح عبد الله قالي
عبد الله
هي أمي ماخدتش الفلوس ليه يا سماح انا اټصدمت
سماح
يمكن حاسه بالذنب وبتحاول تغير من نفسها مين عالم
عبد الله
يارب يا سماح احسن أمي كانت صعبه اوي وحقيقي احنا تعبنا معاها كتير واكيد ربنا عالم بينا
سماح
ربنا يشفيها ويهديها يا حبيبي تصبح علي خير
وتاني يوم لقيت حماتي ماصحتنيش وحضرت الغدا لما أنا قومت براحتي وقولتلها
سماح
ماصحتينيش يعني يا خالتي
الحما
سيبتك براحتك يا حبيبتي احضرلك الفطار
سماح
لا لا يا حبيبتي انا هحضره ارتاحي انتي كده تعبتي تسلم ايدك
ولقيت الباب بيخبط قولتلها
سماح
ادخلي جوه يا خالتي الباب بيخبط
ولما فتحت لقيتها فتحيه قولتلها أهلا اتفضلي يا طنط
فتحيه
هو انتي تبقي مرات عبد الله صحيح يا حبيبتي
سماح
اها قولتلك من بدري كل مره تأكدي عليا
فتحيه
اومال ليه حماتك قالت أنك الشغاله ياختي مع انك مخليه بيتها شمعه كده وبتخدميها بعينك
سماح
كانت بتهزر يمكن مش مشكله يعني
وخرجت حماتي وقالتلها
الحما
اهلا وسهلا تعالي يا فتحيه 
قالتلها ألف سلامه عليكي هو لسه الديل ده موجود يادي الوكسه السودا
الحما
اها اعمل ايه قدري بقي
فتحيه
طيب ماتيجي نروح لشيح يمكن يكون معمولك عمل
الحما
يا شيخه تفتكري يابت يا فتحيه اكيد لا انا ست ماليش أعداء
فتحيه
مش يمكن حد متغاظ منك عشان انتي ست محبوبه وسط الناس جايز عمل ياحبيبتي يلا بينا ياختي
الحما
يلا فين انزل ازاي بالديل الناس هتزفني انا خلاص ماعدش ليا نزول من بيتي بلا قله قيمه بقي
فتحيه 
ادخلي بس انتي البسي ويحلها الف حلال يلا مافيش وقت
سماح
لا طبعا خالتي مش هتنزل مش هينفع تروح لڼصابين ودجالين دول ناس طريقهم طويل واسود منيل
الحما
مش يمكن يابنتي يكون شيخ مبروك فعلا وهيعرف يحللي مشكلتي دي
سماح
يا خالتي إذا كان الدكتور ماعرفش يعمل حاجه الدجال هيعرف وبعدين دول مش شيوخ اصلا
الحما
معلش يابنتي نجرب برضو ربنا يجعل في ايده الشفا وانزل بديل ارجع من غيره
فتحيه
ايوه كده اسمعي كلامي يا ام عبد الله أنا هوقفلك تاكسي علي بال ماتجهزي
يتبع
انتظرو الرابع والخامس
والسادس والاخير كمان ساعه 
آيه_عادل