حماتي الاول والتاني والتالت

حماتي
للكاتبه_آيه_عادل
الجزء_الاول_والثاني_والثالث
أنا سماح عنديسنه متجوزه من 6شهور وقاعده مع حماتي اللي هي خالتي بس حقيقي ست لا تطاق وهي مش مخلفه غير جوزي عبد الله تعالو احكيلكم الحكايه
في يوم لقيت حماتي كالعاده بتفتح عليا باب اوضتي وبتصحيني بالعافيه
الحما
اصحي عندنا شغل كتير في البيت اصحي يلا بلاش كسل بلا وكسه يعني ولا ليكي شكل ولا نشيطه كمان زيك زي الكبه في البيت

قومت مټعصبه جدا وكنت مش طايقه نفسي
سماح
ايه خير في ايه علي الصبح أنا مانمتش كويس الساعه لسه 9 ولا هي مرازيه وخلاص
الحما
9 يا أم 9 انتي أنا مش فاهمه انتي ليه مش نشيطه زي باقي البنات ياريتني ماجوزتك ل ابني ده انتي هم
سماح
ليه الكلام ده علي الصبح فيه ايه لكل ده ياستي
الحما
انتي علي كده بقي فطرتي عبد الله ولا سيبتيه ينزل علي لحم بطنه
سماح
ايوه فطرته ياستي ورجعت أكمل نوم
الحما
لا يلا اصحي عايزاكي تشيلي ستاير البيت وتغسليهم وكل السجاجيد تغسليهم وتعملي الغدا كل ده يخلص علي 4 العصر يلا ولو ماقومتيش هجيب جردل مياه. هدلقه عليكي لو الذوق مش هينفع معاكي قله الذوق موجوده
سماح
ايه كل ده أنا غسلت كل اللي قولتي عليه ده من شهر
قالتلي شهر ده كتير اوي يلا قومي 
سماح
بطلي الكلمه دي يا خالتي أنا زهقت والله وجيبت أخري من الكلام ده
الحما
بتريقه ماهو شعرك قصير مش زي بقيه البنات اللي شعرها طويل كده وحلوه يلا نقول ايه نصيب
سيبتها وقومت عملت اللي قالت عليه كان فيها طبع وحش جدا بتقعد تفتش في اوضتي وانا دخلت عليها فجاءه وهي بتفتش في دولابي وقولت
سماح
بتعملي ايه يا خالتي في اوضتي وبتدوري علي ايه في دولابي
الحما
ابدا هكون بعمل ايه يعني انا انا كنت بشوفك مروقه الدولاب ولا سايباه زريبه وبعدين انتي ايه مشكلتك يعني ده بيتي يا سماح وانا ليا في حل حاجه في البيت ده مش هتيجي تمنعيني ادخل اوضه من اوض شقتي
سماح
لا مش اوضتك دي اوضتي انا يا خالتي ولو سمحتي ماتدخليهاش
الحما
لا يا بت فوقي كده واعقلي ده انا ممكن في ثواني زي ماوافقت علي جواز ابني منك ممكن اهليه يطلقك و اطردك
سماح
هقولك ايه اصلها عادتك مش هتشتريها علي العموم انا داخله اقولك اني غسلت الستاير والسجاجيد ورايحه اعمل الاكل فتشي براحتك في اوضتي
ودخلت اعمل الغدا ولقيتها دخلت ورايا وراحت قالتلي ياختاااي اكلك كله ريحته شايطه ايه مش بتعرفي تعملي اكل يابت
سماح
لا حول ولا قوه الا بالله هي أول مره اعمل اكل مانتي اللي مربياني ومعرفاني اعمل الاكل ازاي يعني تبقي عيبه في حقك لو عملت اكل وحش
الحما
معرفش مالك الجواز خيبك ولا ايه يابت
سماح
ايه ده انا شامه ريحه غاز دي جايه منين دي
الحما تلاقيكي عملتي اي مصېبه في البوتاجاز
سماح
لا ماعملتش حاجه ده وانتي الصادقه البوتاجاز ده انتي جايباه في جهازك من سنه ٧٠ وعشان هو غالي عليكي ماغيرتيهوش يعني البوتاجاز ده من عمري تقريبا
الحما
اخرسي انا حاجتي كلها زي الفل انتي اللي بت خرابه وعايزه تخليني اخسر في كل حاجه وابيع بوتاجازي اللي زي الفل اوعي كده اشوف العين مالها
ولقيت العين بتاعت البوتاجاز لما حماتي جت تفتحها هبت في وشها وراحت مصوته
الحما
الحقوني يانااااس البوتاجاز ۏلع في وشي بت يا سماح اجري هاتي معجون ادهن بيه وشي الله يخربيتك
سماح
ماهو بيتي هو بيتك انتي بتدعي علي بيتك بالخړاب هيتخرب اكتر من كده ايه
الحما
يا رغايه يا بارده هاتي بسرعه المعجون وشي مولع
سماح
ليه وشك هيسوس هههههههه
وروحت