حماتي _بقلم ايه عادل الفصل_الرابع_الخامس_والاخير
زي بنتي واكتر أنا غلطت فيكي كتير وعمرك مازعلتيني
سماح
ولا يهمك يا حبيبتي تروحي وتيجي بالسلامه
واحنا بنوصل خالتي في المطار لقيتها قالتلنا
الحما
اسمعو ياولاد انا عايزاكم ادعولي كتير وانا كمان هدعيلكم في الحرم
عبد الله
ربنا يتقبل منك يا امي تروحي وتيجي بالسلامه يا حبيبتي
سماح
هتوحشيني اوي مين هيصحيني ويحسسني اني عايشه في وكاله من غير بواب
مش هغيب كتير وهرجع اقعد علي قلبك خدو بالكم من بعض
وفعلا سافرت خالتي ولما دخلت البيت حسيت أن في حاجه ناقصه وقولت
سماح
عبد الله
يا شيخه دي كانت مطلعه عينك اديكي هتقضيلك كام يوم من غير زعيق وبهدله
سماح
ربنا يرحمها بالسلامه
وقعدت أنا وعبد الله جوزي في هدوء لحد ما هي جت من الحج
الحما
اهلا اهلا باللي اكيد بهدلولي الشقه وانا غايبه ايه ده يابت يا سماح انتي مابتمسحيش الشقه في اليوم مرتين ولا ايه الشقه متربه
جريت عليها وحضنتها وقولت
سماح
حمدالله علي سلامتك يا حبيبتي كنت حاسه ان حاجه نقصاني
الحما
الله يسلمك جيبتلكم كل اللي انتم عايزينه وكل اللي يقابلني كنت بشتريه بس ايه حاجه نقصاكي دي انا حاجه يابت
انتي اهم حاجه في حياتنا يا خالتي رميت يخليكي لينا
ولقيتها قبل اي حاجه قعدت وقالت
الحما
أنا كنت في الكعبه ولجل المكان الطاهر ده أنا اتغيرت ومن هنا ورايح فلوسك يا عبد الله انت مراتك اولي بيها أنا مش همسك فلوسكم واتحكم فيها ومش هتعبك انتي كمان وامرمطك في البيت اعملي الغدا ونضفي الشقه بالعقل زي الناس مش كل شويه اهد حيلك انتي برضو مش مكنه
ياه يا امي ربنا يخليكي لينا ويوعدنا بزياده النبي عليه الصلاه والسلام
الحما
يارب يابني
الحما
خير يا دكتور في ايه طمنا
الدكتور
مبروك المدام حامل يا جماعه ماتقلقوش كده
عبد الله وخالتي فرحو اوي ولقيت خالتي جريت عليا وقالت
الحما
ألف حمد وشكر ليك يارب أنا فرحانه اوي اني هبقي جده
ولقيت عبد الله قال
عبد الله
ربنا يقومك بالسلامه يا حبيبتي من هنا ورايح ماتعمليش اي مجهود
الحما
لا طبعا دي اول شهور لازم ترتاحي خالص وسيبي كل حاجه عليا
سماح
مش عارفه اقولك ايه غير ربنا مايحرمناش منك
الحما
ويخليكي لينا ياحبيبتي ويقومك بالسلامه
وكنت بصحي من النوم الاقي خالتي بتحضرلي الفطار وكانت بتساعدني في شغل البيت لحد ما ولدت ابني محمد
سماح
سميه انتي يا خالتي
ولما روحنا البيت لقيت خالتي قالتلي تفضلي مرتاحه علي سريرك ماتقوميش منه
عبد الله
ربنا يخليكي لينا يا امي
الحما
ويخليكم ليا انا هروح اجيب حاجه من اوضتي وجايه
وراحت خالتي جابت صندوق كبير وجت وقالتلي
الحما
عارفه الصندوق ده فيه ايه
سماح
لا مش عارفه فيه ايه يا خالتي
الحما
امك زمان كانت پتكرهني اوي تعالي احكيلك ايه اللي حصل خلاني اكرهها وايه حكايه الصندوق ده
ورجعت خالتي بالذاكره لورا وقالت كنت عايشه انا واختي رحيمه اللي ماكنتش رحيمه بيا خالص في يوم جت من المدرسه واحنا في ثانوي وقالت
رحيمه
ايه يا رمزيه انتي هتفضلي تيجي من المدرسه تكنسي وتمسحي كده
رمزيه
هعمل ايه مانتي مش بتساعديني خالص ومش بتساعدي ماما في اي حاجه
رحيمه
فشړ انتي تساعدي ماما اها إنما انا لا انا احلي واجمل
