تفكير رجل _قصه كامله
كريمه من غير ولا كلمه اطلع بره اتفضل استناني في اوضتي
خرج ادم وهيا دخلت لندي وقفلت وراها الباب
كريمه مټخافيش حبيبتي .. محدش هيإذيكي هنا جومي تعالي البسي هدماتك
قومتها كريمه وجابتلها هدوم تلبسها وشالت الهدوم المقطعه رمتها
كريمه معلش لازم اسألك انا اتأخرت عليكي ولا جيت في الوجت المناسب
كريمه حبيبتي ردي عليا ما تتكسفيش مني
ندي لا مفيش حاجه حصلت بينا مفيش حاجه هو بس كان .... انا مش فاهمه هو كان عايز ايه ولا بيعمل كده ليه هو بيعترض علي كل حاجه مفيش حاجه بتعجبه ابدا ومش عارفه اعمل معاه ايه
كريمه طيب ايه اللي جننه كده
كريمه ليه حج يتجنن
ندي انتي هتعملي زيه ليه يتجنن فيها ايه
كريمه حبيبتي انتي عتعرفي الشباب دول تعرفي اخلاجهم تعرفي كييف عيفكروا فيكي تعرفي كييف عيبصولك ما تعرفيش هو يعرف فهمتي وبعدين دي اسمها غيره
كريمه امال تصرفاته دي عتسميها ايه
ندي تحكم .. سيطره .. حاسس انه كده بيحافظ علي صورته وشكله قدام رجالته .. اي حاجه غير انها تكون حب
كريمه انا شيفاها حب ادم مش اكده واصل واول مره يتصرف كده علي العموم ارتاحي دلوقتي وربنا يسهل بس الحاجات اللي انتي عارفه انها عتجننه بلاها يا بنتي
كريمه معلش بكره تتعودي علي طبعه
سابتها كريمه وراحت لابنها اللي مستنيها في اوضتها دخلت ورزعت الباب وبصت لابنها بتحدي
كريمه سيادتك كنت بتعمل ايه هاه
ادم معملتش
كريمه ادم ... اوعي تنسي للحظه وعدك لسالم انك تحافظ علي بنته ... مش معقوله توعده تحافظ عليها وانت اللي تضرها
كريمه امال لما تغتصبها يبقي اسمه ايه
ادم اڠتصبها
كريمه امال اللي كنت هتعمله اسمه ايه
ادم دي مراتي شرعا وقانونا مراتي .. عايشه تحت سقف بيتي وقدام الكل حتي ابوها عارف انها هنا وهو سلمهالي بايده تبقي شرعا مراتي
كريمه طيب مراتك بس ده ما يمنعش انك كنت هتغتصبها
كريمه اي علاقه تتم بدون موافقه الطرف التاني يبقي اسمها اڠتصاب حتي لو مراتك
ادم المهم محصلش حاجه
كريمه ولو مكنتش جيت
ادم انتي عايزه ايه يا
امي
كريمه عايزه سلامتك وراحتك ... ادم عايزها مراتك يبقي الاول تبلغ ابوها انها هتكون مراتك بجد والاهم انها هيا تكون موافقه وان كل حاجه تتم برضاها مش ڠصب عنها فاهم ولا لأ
ادم انا مش عايزها ولا تلزمني بعد اذنك
سابلها ادم البيت كله وخرج لانه محتاج يرتب افكاره ويفكر هو عمل كده ليه كان عايز يأدبها فعلا ولا كان عايز حجه لنفسه يقرب منها
ندي كمان كانت متلخبطه مش
