قلب متكبر

يقصد أيه وأيه السبب التاني إللي عايز يتجوزني علشانه وإللي قالي هتعرفيه بعدين!!!
وقف كلا من عفاف وبناتها الاثنين ينظرون لهذا المجهول بدهشة شديدة ويتأملانه بدقة يتعجبون من وجود مثل هذا الشخص بمنزلهم شاب وسيم خشن الملامح تتجلى عليه سيمات الرجولة والشدة راقي المظهر ويبدو عليه الثراء..
تسائلت عفاف پحيرة 

اتفضل يا أستاذ .. حضرتك طالب مين وعايز أيه!!
تنحنح يعقوب وقال بجدية وملامح وجه ثابتة
أنا جاي أقابل الأستاذ عاطف .. في موضوع كله خير إن شاء الله..
ابتهج قلب عفاف وكذلك كلا من شيرين وأمل معتقدين بأنه شاب جاء ليتقدم لخطبة أحدهم..
قالت عفاف بلهفة وسعادة
اتفضل يا ابني ...تقدر تقولي أيه بس الموضوع أصل الحاج عاطف مش هنا بس أنا أكيد هبلغه..
كانت أعينه تبحث عنها بلهفة لكن لا أثر لها رمق تلك المرأة بشك وقال
أنا جاي طالب القرب منه...
كادوا ثلاثتهم أن يحلقوا من ڤرط السعادة وأصبحت كلا من شيرين وأمل يدعون الله بداخلهم أن تكون هي المقصودة أسرعت عفاف تقول بتساؤل
أكيد يا ابني بيتنا مفتوح في أي وقت بس
معلش بس إستفسار ... إنت طالب القرب في مين من البنات..
أردف يعقوب بعشق