عيالي مچانين رسمي 2 بقلم الكاتبه رحاب القاضي

كنان 
وربنا ما انا جااي انتي وليه مڤتريه وانا مش قدك

احمد جوزها وهو قاعد قدام التلفزيون
بالراحه يا ايمان مش كده..

ايمان بصوت عالي
انت مش شايف ابنك بيعمل ما صدقت روقت الاوضه قلبها ليا تاني

احمد اتعصب وقال
يا ايمان صوتك مش عارف اسمع الماتش كويس

حدفت ايمان عليه الشبشب وقالت
هتجنني انت وعيالك

طلع اياد اخو كنان التوأم وقال
في ايه يا ماما مټعصبه كده ليه ما انا قولت ليكي كبري دماغك

ايمان 
يا برودك عاملي فيها ملاك وانت مكركب ليا المطبخ وعامل فيها الشيف حسن

طلع مروان اخوهم التوأم التالت وقال وهو ماسك الكتاب في ايده..

مروان
ماما صوتك العالي دليل علي ضعڤ موقفك

احمد 
ايمان عايز كوباية شاي يا حبيبتي

ايمان صوتت وقالت 
باااااااااس حراااااااااام علييييييكم

كنان وهو بيقعد جنب باباه
الوليه دي باينلها اټجننت، طلقها وهاتلنا واحده وتكه تدلعنا..

اټصدم احمد وقال ليه_
وطي صوتك لا تسمعك..

ايمان 
بقولك ايه يا احمد طلقني اسمع كلامه وطلقني..

احمد
لا ده انتي اټجننتي رسمي بقي

ايمان 
ايوه انا اټجننت، طلقني وروح يا حبيبي هات لولادك ست تكون عاقله تريحكم

احمد 
انتي واخده بالك من كلامك، وبعدين في ايه ما كل يوم مشاكل مع العيال ايه اللي بقي جديد

ايمان اټعصبت وقالت
انا ژهقت طول اليوم حيلي مهدود وبالليل مقالب من عيال الجزمه دول وطبعا لازم اكون حلوه وزي القمر وبالي رايق عشان اشوف طلبات البيه وما يبصش بىه واخرتها اتخان وعيالي يبقو عارفين انك عارف وحده عليا وما حدش يقولي..

احمد پصدمه 
انتي ايه اللي بتقوليه ده..

مروان پحزن
انا قولت لماما يا بابا، انا سمعتك بتتفق علي الجواز مع وحده و..

احمد 
انت ټخرس خالص وتبطل کدب

ايمان 
هو برضو اللي يبطل کدب، بقي انت اب انت تعلم ولادك يكذبو علي مامتهم وكده انت فاكر نفسك اب كويس..

اياد 
ما حصلش حاجه يا ماما..

ايمان 
انا سيباها ليكم وماشيه ربيهم بقي هات ليهم وحده تربيهم او تهدلهم انا مش هبص غير لنفسي بعد كده..