حكايات اطفال الشوارع

منها شنط كتير فيها اكل وشرب وبدأوا يتحركوا للأطفال اللي بدورهم فرحوا جدا لانهم جعانين وممعهمش فلوس يشتروا اكل.
ضحكتلهم الست وقالتلهم بمرح  
_ يلا يا حلوين عايزاكم تاكلوا الاكل ده كله .. سامعين كله.
و أدت لكل طفل فيهم كيسين فيهم سندوتشات وعصاير قعدوا على مصطبة صغيرة موجودة عند قبور الصدقة وبدأوا يفتحوا الاكياس وياكلوا بنهم شديد .

ركبت الست العربية هي والراجل واتحركوا لورا بعد ربع ساعة ظهروا مرة تانية بالعربية وقربوا للاطفال وصوت الست بتتكلم في الموبايل بحدة وبتقول 
_يلا تعالوا .. الفيران دخلوا المصيدة.
نزل الراجل الضخم من العربية وجري على العيال اللي اترموا كلهم في الارض لا حول لهم ولا قوة في نفس الوقت اللي ظهرت ورا العربية الچيب عربية تانية تشبهها و٣ رجال بينزلوا وبيجروا على الاطفال وبيشيلوهم وبيحطوهم على بعض في شنطة العربية.
وقبل ما يمشوا الست قالتلهم وهي بتحط ايديها في شنطتها 
_ ده العربون اللي اتفقنا عليه .. انا عايزه طلبية الأعضاء اللي قولتلكم عليها .. انا عملت اللي عليا وحطيت منوم للعيال في الاكل رغم انه شغلكم انتوا ..بس مش مشكلة .. يلا بقى ورينا همتكم يا ابطال.. وأنا هدورلكم على اطفال شوارع تانيين.
واحد منهم بص للفلوس وعينه لمعت وقالها 
_ يومين بالكتير وهحضرلك الطلبية.. طول ما الفلوس حاضره احنا موجودين يا كبيرة .
ومشيوا ومعاهم الاطفال وبعد يومين بالفعل كانوا محضرين طلبية الاعضاء قتلوا وتاجروا في الاطفال بدم بارد وبكام جنية.
حقيقة البشر بقوا ألعن من أبليس وأعوانه بأفعالهم ذنبهم ايه اطفال ابرياء مشافوش في حياتهم غير كل ذل واهانة وتعب وشقى ان تكون دي اخرتهم. انهم يتباعوا اعضاء!.
نصيحة او رجاء شخصي .. خلوا بالكم على اولادكم وبناتكم الدنيا بقت غابة واللي تفتكروه بيعمل خير فأنت متعرفش جواه ايه.
ربنا وحده اللي عالم بالنوايا.
انس ومالك وعمار وثراء وغيرهم كتير ضحاېا لأهالي ربنا اكيد هيحاسبهم اشد حساب اللي بيخلف ويرمي عياله واللي مش بياخد باله من اولاده بيكون نهايتهم زي ما سمعتوا قصص الاطفال بل بالعكس الحقيقة والواقع اكتر ړعب وخوف وعدم رحمة وقلة دين وإيمان خليكوا فاكرين ان في ناس بتتمنى ضفر عيل.
وبتمنى اللي يتقبض عليه من اللي بيتاجر ف الاعضاء انه يتعدم في ميدان عام عشان يكون عبرة لمن يعتبر.
في النهاية عايز أنهي كلامي بسؤالين  
يا ترى كلام ماما رحمة لمالك كانت تقصد بيه ايه.. وليه لما مالك حكى لها على اللي شافه في القپر لما سمع واحد بيكلم صاحبه هي ضحكت .
اجابة اول سؤال ان الخير اللي مكتبله واللي من بعيد ميبنش انه خير انه هيروح لمكان احسن بكتير هو وباقي الاطفال الجنة.
واجابة السؤال التاني بتبين قيمة الصاحب الصالح اللي بياخد ايد صحبه للجنة بأفعالهم
في الدنيا وانهم زي ما عملوا الخير وكانوا بيتسابقوا عليه في الدنيا لما ماتوا فضلوا برضو جنب بعض.
تمت.
النهااااية.
وبكده تكون السلسلة خلصت.. 
أنا حقيقي مش عارف أقول ايه لكل اللي صډمته النهاية بس أعتقد كل اللي كنت عايز اقوله سيبته ف البوست اللي قبل ده علطول 
ف النهاية أتمنى يكون المغزى والمراد من الفكرة وصلكم وشكرا لدعمكم جداااا