حكايات اطفال الشوارع
سامحيني يا ماما .. كنت بجيبلك دول .
_وتعبت نفسك ليه يا حبيبي.. انا بقيت كويسة خلاص .
ولقيتها بتاخدني في حضنها وبتطبطب عليا.. قولتلها وانا في حضنها
_ بس يا ماما انتي كنتي سخنة وكنتي بتكحي وغير كدا انتي مكلتيش اي حاجة من الصبح .. عشان كدا كان لازم اعمل حاجة .. مش هسيبك كدا.
مسكتني من ايدي ومشيت معاها وانا شايفها بتضحك وبتقولي
_ يااه يا ماما .. شوفتي الكلام خدنا لفين.. احنا عدينا المقاپر كلها .. تعالي نقعد شوية وبعدين نرجع تاني للمصطبة.
حكيتلها على اللي شوفته ولما خلصت كلامي لقيتها ضحكت بصوت عالي وفضلت تقول الله أكبر .. ما شاء الله .. الله أكبر وفضلت أكتر من ٥ دقايق على كدا .
قولتلها
_ ليه يا ماما بتقولي كدا.. انا حتى خۏفت بس لما لقيتك جنبي اتطمنت.
_ بص هقولك زي ما كنت بقولك علطول . لو شوفت اي حاجة او سمعت حاجة جوة متركزش فيها .. في عالم تاني ومخلوقات عايشين معانا بس مش باينين .. انت غلطت انك مسمعتش كلامي .
بصيت في الارض وانا بتأسفلها رفعت راسي ورجعت تضحك ضحكتها الجميلة وقالتلي
_ اما اللي شوفته ده فهو حاجة حلوة .. واللي شميته ريحة جميلة مش أي حد يشمها .. يمكن لان قلبك طيب يا مالك وانت أكيد ربنا بيحبك اوي لان في خير قريب مستنيك.. يمكن يبان مش خير خالص .. بس هو في نهايته أكبر خير وجمال ورزق كبير لحياة تانية أفضل ليك يا حبيبي.
بس لان الوقت اتأخر وحسيت اني
