حماتي يوم صبحيتي شغلتني في البيوت3_بقلم رحاب القاضي_

شهد پحژڼ _
ياريت..

ادهم _
اطلقي منه..

شهد _
واروح فين بس، اهلي مش هيقدرو يشيلو همي هقعد في الشارع...

ادهم _
بلاش تخلي خوفك يبوظلك باقي حياتك كفايه اللي خسرتيه، انا مطلق علي فكره وعندي بنت عايشه مع مامتها في امريكا، انا طلقتها لما بس لقيت نفسي هعيش باقي حياتي في نكد اشتريت راحتي...

شهد _
انا مش زيك...

ادهم _
لا زيي انتي هتشتغلي عندي وانا هديكي دفعه مقدمه واشتري شقه صغيره علي قدك ايجار حتي وعيشي حياتك لوحدك بعيد عن اهلك وبعيد عن العيل ابن امه اللي اسمه جوزك ده وحماتك lلحړپlېھ...

_ مشيت شهد وكلام ادهم مش طالع من بالها مع انها مش واثقه فيه لسه، بس قررت انها تعمل زيه تريح نفسها ومتهينش كرامتها تاني عشان اي حاجه...

_دخلت شهد البيت واول ما شافت سعيد راحت وقالتله بعصبيه...

شهد _

طلقني...

سعيد ببرود _
هي القطه طلعلها ضوافر وبقيت بتخربش...

شهد بحده _
القطه دي تبقي انت يا دلوع ماما، بقولك طلقني مش انت مكنتش عايز تتجوزني ريح نفسك بقي وطلقني...

سعيد _
امي تقولي اطلقك هطلقك وياريت تقول كده عشان اخلص....

شهد_
بس كده من عينيا...

_راحت شهد كلمت حماتها وقالتلها تطلعلهم، وطلعت حماتها وقالت...

ام محمد _
خير يا بت انتي جيباني علي ملي وشي كده ليه؟..

شهد _
انا مش هنزل شغل تاني ويا اقعد في بيتي متستته اكل واشرب واخد مصروف لبيتي ومحدش يبقي ليه كلمه عليا غير جوزي يا اطلق...

ام محمد بحده _
والله وطلعلك صوت يا رباية الجوع انتي، ارمي عليها اليمين يا واد يا سعيد البنات علي قفا من يشيل مش واقفين عليها يعني...