حماتي يوم صبحيتي شغلتني في البيوت3_بقلم رحاب القاضي_

_بعد كام يوم كلمت الست سيده ام محمد في التليفون وقالتلها...

الست سيده _
السلام عليكم يا ام محمد، عامله ايه؟...

ام محمد پضېق _
وعليكم السلام ورحمة الله وبركاته يا حبيبتي خير...

الست سيده _
مالك بس يا ام محمد انتي لسه زعلانه مني ولا ايه؟...

ام محمد _
ايوه لسه زعلانه ومن حقي ازعل كمان هو اللي حصل في مرات ابني شويه، ده كويس وجوزها معرفش باللي حصل كان قلب الدنيا...

لوت سيده بوزها وردت عليها وقالت _
انتي هتقوليلي، لا واحنا الصراحه بنخاف علي زعل حبيب امه الاستاذ سعيد...

ام محمد پضېق _
خلاصة الكلام انتي متصله ليه دلوقتي هتديني حساب البنت..

الست سيده بسخريه _
حساب ايه يا ام محمد هي البنت اشتغلت حاجه ده هو يوم وتاني يوم حصل اللي حصل...

ام محمد بخبث_
طيب حتي اديني حساب اللي حصل ولا ده ببلاش كمان...

الست سيده _
بصي يا ام محمد عشان منعاتبش يا ختي في بعض كتير انا جيبالك شغل تاني لـ البنت وبمرتب قد بتاع الشغلانه الاولانيه مرتين...

فرحت ام محمد وردت عليها _
طيب يا ختي ايدي علي كتفك احسن العيشه بقيت ضنك خالص اليومين دول..

الست سيده بهدوء ـ
عارفه يا حبيبتي وعشان كده لما لقيت الشغلانه دي في وشي قولت والله مهتبقي لحد غير للبنت شهد مرات ابنك بس يعني....

ام محمد پقلق _
بس ايه هتقعدبها تاني ليه بس؟..

ردت عليها سيده بسرعه وقالت _
لا يا حبيبتي لا بعقدها ولا حاجه الموضوع بس ان الشقه اللي هتنضفها دي هتروحها يومين في الاسبوع بس....

ام محمد _
طيب كويس اووي فين المشكله برضو مفهمتش؟...

ردت عليها الست سيده وقالت _
يعني هي شقة راجل عزابي مطلق وعايش لوحده...

ام محمد بحده _
يالهوي يا ست سيده تاني ياختي، ده الاول كان راجل ومراته وحصلها كده اومال لما تروح لراجل عزابي هيحصل ايه؟..

الست سيده بهدوء _
ولا هتحصل اي حاجه، ده دكتور محترم وكل اللي اشتغله عنده بيشكرو فيه وفي اخلاقه...

ام محمد بسخريه ـ
اومال يا ختي ما هو كده مش لاقياله شغاله لي ان شاء الله...