خطيبتي واخواتها التوأم3_بقم رحاب القاضي

اتكسفت ملك وردت عليه وقالت _وبتغير عليا ليه بقي...

قرب منها امجد وقال _بيقولو ان اكبر علامات الحب الغيره..  

ملك بخبث _اي ده هو انا لما غرت عليك يوم الاجتماع اللي كانت فيه البنت اللبنانيه كده انا كنت بحبك...

ضحك امجد وقالها بهدوء _وانا كمان بحبك يا ملك...

رد عليه عزيز اللي كان واقف من شويه وقال _وايه كمان سمعني..

نور بخوف _يانهااار اسود بابا...

امجد بخوف _ينهااااار اسود عمي...

عزيز بغضب _علي السلم يا ملك...

رد عليه امجد بسرعه وقال _قبل ما حضرتك تفهم غلط انا بخبك ملك وعايز اتجوزها..

زغرتت ملك وقالت _لولولولولي كتب الكتاب الخميس الجاي..

كتم امجد ضحكته وقال _طيب استأذن انا يا عمي...

عزيز بحده _اسمع يا ولد انت تجيب ابوك وامك وتيجي تخطبها انما تخطبهالي من علي الباب كده ما بنفعش معاياا...

_ بعد شويه كان قاعد عزيز وبناته قاعدين قدامه وكان متعصب جداً...

نور _يا بابا انا مليش دعوه بيهم انا لا حد اتقدملي ولا حد حبني ولا سيبت شغلي ولا اي حاجه...

عزيز _ والله ما فيهم الا انتي يا نور...

نور بثقه _حبيبي يا بابا ربنا يخليك ليا...

سما _وانا عملت اي بقي مانا وافقت علي محمد..

طبلت ملك علي الترابيزه وغنت وقالت _ يااا محمد...

سما وهي بتسقف _شبح الحته..

ملك _محمد...

سما _خمسه في سته...

عزيز بزعيق _اتلمي منك ليها..

بص لملك وقال _والهانم اللي واقفه تحب علي السلم..

ملك _والله يا بابا كنت فاكره  نور واقفه جنبي بس لما دخلت محستش بيها وكنت سرحانه في عيون امجد ومختش بالي انها دخلت...