ارملة اخويا _كامله
علطول كدا مش يجي عليكم يوم تريح خالص
علاء
للاسف لا مافيش. راحه الفتره اللي. جايه دي خااالص
فردوس
خلاص ماشي ياعلاء ربنا يقويك ابقا حاول تيجي بدري النهارده علشان نسهر سوا مع بعض
علاء
ماهو يعني النهارده مش هاجي لان هبات في الشغل
فردوس
بنفاز صبر قالت
يعني انت كمان رايح شغل في اجازتك ولا كمان هتبات ده كدا كتير
معلش اعمل ايه يعني ده بدال متقدري تعبي لا كمان بعترضي
فردوس
اه بعترض لاني مبقتش اشوفك ياعلاء خالص وده حتي عيال بدأو يسألو عليك بابا مبقناش نشوفه خالص
علاء
معلش قوللهم بابا بيتعب في الشغل علشان يوفر ليكم حياة كويسه ولا انتي فالحه بس تتخانقي معايا قدامهم وتنكدي عليا وعليهم
فردوس بدموع
للدرجادي مبقتش طايقني يا علاء ولا طايق كلامي
يادي النيله السوده طيب اهو اتفضلي من غير ماتكلم قلبتها نواح ده انا اروح انزل شغلي احسن
وسابها علاء ونزل راحت فردوس بسرعه لبست الاسدال ونزلت رقيته بيركب تكسي راحت هي وقفت تكسي وقالت لصحاب التكسي
فردوس
خليك ورا التكس اللي طلع ده ياخويا اوعي يزوغ منك
السواق
حاضر يامدام
فردوس لنفسها
انت اللي خلتني اعمل كدا ياعلاء انت اللي خليت الشك يدخل في دماغي من عصبيتك وتغيرك معايا فاجاة كدا
فردوس
معلش ياخويا
البواب
اموري يامدام
فردوس
هو الاخ اللي لسه داخل العماره دي رايح لمين
البواب
قصدك الاستاذ علاء
فردوس
البواب
ده مستأجر جديد عندنا هنا في العماره ساكن في الدور الرابع هو مراته
فردوس پصدمه
ايه مراته...
البواب
ايوه مراته ده مأجرين مننا بقالو شهر بالظبط
فردوس
رجلها مقدرتش تشلها وراحت قعدت علي الرصيف وبتحاول تستوعب اي حاجه من اللي سمعتها وقرب منها البواب وقال
البواب
فردوس
لالا انا كوييسه كويسه صح قولي هو بيطلع امتي من شقته وبيروح فين ولا بيجي من فين
البواب
متأخزين في السؤال انتي ليه بتسألي كل الاساله دي علي الاستاذ علاء
فردوس بدموع
لان انا مراته المغفله اللي طلع بېخونها ومش بس كدا لا ده كمان طلع متجوز عليها
البواب
ياحول ولا قوة الا بالله ربنا يصبر والله علي مصيبتك دي
الله يستر بقا قولي كل حاجه تعرفها عنو
البواب
هو انا المفروض ماقولش بس علشان انتي ظروفك غير فاانا هقولك الاستاذ علاء ساعات بيجي هو مراته بليل ويمشو الصبح وساعات بيجو الصبح ويمشو بليل وانا والله استغربت تصروفاتهم وقولت اكيد دي مراته التانيه
فردوس بدموع
شكرا جداا ليك
البواب
طيب انتي هتعملي ايه دلوقتي
فردوس
هفضل مستنياهن هنا لحد لمه ينزلو اشوف هو متجوز عليا مين
البواب
هتقعدي هنا لحد الصبح
فردوس
اه هقعد
البواب
والله انا لو بإيدي كنت قولتلك تعالي اقعد جوه بس اناي عارفه انو ده مينفعش
فردوس
لا انت كتر خيرك لحد كدا
وسابها البواب وفضلت قاعده
