جوزي طلع ابن 51 قلم الكاتبه رحاب القاضي

ايمان ـ
وتزعل لي هو مش انت قولتلي اننا لينا شقتنا لوحدنا  ، ومامتك وخالتك ليهم شقتهم وحياتهم لوحدهم...

علي بحده ـ
مجاتش من الساعتين اللي هنقعدهم تحت ي ايمان، بلاش تعملي مشاكل وننزل كل يوم شويه وهما مع الوقت هيزهقو ونبقي يوم ننزل ويوم لا والدنيا تمشي...

ايمان بڠيظ ـ
طيب ي علي هنزل بس اقسم بالله انا مش هعمل حاجه لـ حد غير لو انا عايزه تمام...

علي بقلق ـ
ماشي ي حبيبتي اللي يريحك، وانا هنزل اتغدي واتعشي معاهم تحت....

ايمان ـ
نعم نعم ي سي علي لي بقي اكلي مش عاجبك..

علي ـ
لا طبعا اكلك عاجبني، بس ماما لما عرفت انك تعبانه قالتلي متتعبهاش وتعالي انا هجهزلك الاكل عندي...

ايمان بسخريه ـ
ومامتك اللي مش عايزه تتعبني مقالتش لي اطلع اطمن عليها هي او خالتك ولا ع رجلهم نقش الحنه..

علي بحده قام وزعق فيها ـ
يووه وبعدين معاكي ي ايمام ما قولتلك ماما حاجه تاني وتعمل اللي عايزاه تمام...

ايمان بڠيظ ردت عليه ـ
ماشي ي علي تمام، انزل ي حبيب ماما بقي لـ تتاخر عليها وتقلق عليك....

ـ سابها علي ونزل عند مامته ولما رجع بالليل عملت ايمان نفسها نايمه وكان زعلانه منه جدا، هي لسه ليها يومين متجوزه بس حست انها عايشه مع راجل غير اللي كان معاها في فترة الخطوبه...

ـ بعد كام يوم رجع علي شغله بعد ما خلصت الاجازه بتاعته، وخلصت ايمان اللي وراها في شقتها ونزلت قالت تسلم ع حماتها وتطمن عليها، واول ما فتحتلها ثريا خالة علي الباب لوت بوقها وقالت بسخريه..

ثريا ـ
اهلا اهلا حمد لله ع سلامتك...

ايمان ـ
الله يسلمك ي طنط، حماتي صاحيه ولا نايمه...

ردت عليها ام علي اللي كانت قاعده في الصاله وقالت ـ
انا صاحيه اهو ي حبيبتي تعالي انتي طمنيني عليكي خفيتي وروقتي كده ولا لسه تعبانه...

اتنهدت ايمان وردت عليها بهدوء ـ
لا الحمد لله ي طنط  بقيت احسن...

ثريا ـ
ابقي كلي كويس هنا واتغذي مش ناقصين توقعيلنا من طولك...

ام. علي ـ
والنبي حتي لو اكلت خروف اللي صحته وچشه بتفضل وچشه....