اتجوزني عشان اربيله ابنه«٨»_بقلم رحاب القاضي

حازم بحزن 
يا خساره يا عمر كنت شاب زي الفل الكل بيحلف باخلاقه، دمرت نفسك ودمرت اهلك معاك..

_سابه حازم ومشي رجع البيت بس طلع شقته اللي فوق شقة امه ونام هناك، بس كل باله في اللي حصل لخالته وولاده..
_تاني يوم الصبح صحيت مريم وما كانش معتز جنبيها ونسيت اللي حصل بالليل وانه جه اصلاً، وراحت فتحت باب الحمام لقيت معتز في وشها فقفلت الباب بسرعه ولطمت علي وشها وقالت..

مريم 
يخرب بيت سنينك يا مريم، يالهوي علي الكسفه اللي انتي فيها يا مريم..

طلع معتز وقال ليها بخبث 
عامله فيها محترمه وبتفتحي عليا باب الحمام يا قليلة الادب..

اتملت عيون مريم دموع من كسوفها وقالت 
والله مش قصدي ااا انا بس كك..

قرب منها وقال 
ايه الكسوف ده كله اقسم بالله انا جوزك..

مريم 
انت عايز ايه علي الصبح بقي..

معتز 
وانا هعوز منك ايه، انتي اللي عايزه ايه؟..

مريم 
يووه بقي والله ما اقصد يا معتز انا نسيت اصلا انك بايت عندي هنا..

معتز 
لا لا مش مصدقك يا مريم انتي قاصده تعملي كده..

مريم بصعبيه 
هكون قاصده اعمل كده ليه يعني، معتز لم نفسك واتفضل شوف نفسك هتعمل ايه؟..

معتز
مش هعمل حاجه هستناكي تصحي اياد عشان نرجع بيتنا..

مريم 
عايز تاخد ابنك وتمشي اتفضل، انا مش هرجع عندك تاني خلاص بقي كده..

معتز 
هو ايه اللي خلاص بالظبط يا مريم؟..

مريم 
الفيلم اللي كنا عاملينه كفايه كده، ونطلق..

اتعصب معتز وقال ليها 
وانا مش هطلقك يا مريم، عايزه اعملك فرح تمام عايزه شبكه انزلي هاتي اللي نفسك فيه والشقه اختاري العفش اللي عايزااه انما طلاق مش هطلق..

مريم 
انت بتستهبل احنا بينا اتفااق..

معتز بحده 
في داهيه الاتفاق اللي اعرفه انك مراتي وطلاق مش هطلق..

_كانت هترد عليه بس لقيت اياد صحي وبيبصلهم بخۏف، فراحت قعدت جنبيه وقالت بعصپيه ..

مريم 
وانا والله العظيم يا معتز ما هرجع عندك تاني ابدا،وبراحتك بقي..

معتز 
هنشوف يا مريم..

_طلع ورزع الباب وراااه جامد، وهي فضلت تهدي في اياد اللي خاف من خنقاتهم، ودموعها نزلت علي وشهاا بحزن..
_في شركة سيف كان واقف قدامه الراجل اللي ساعد معتز امبارح، وسيف ضرپه بالقلم وقال بعصپيه ...

سيف 
هو انا باعتك ورااه عشان تساعده ولا عشان تجيبلي اخباره ابراهيم..