اخو جوزي بيطلع السطخ عند الفراخ

وبلحق ارواح ناس تانيه ممكن تاكل من اللحمه دي ټموت او تحصلهم حاجه ويبقا في رقبتك انت
صفيه بعياط
يامصيبتك في ابنك ياصفيه يامصيبتك في ابنك ليه يبني ليييه ماكنت قولتلي وكنت اديتك فلوس اكتر لو كنت محتاج
حسين
وانا كنت لحد امتي اخد منكم زي العيل هااا لحد امتي وانا شايف في عيون الكل دي واحد فاشل مننهوش فايده مش انتو كنتو عايزني اشتغل واكسب رزق وانا عملت كدا فين مشكلتكم بقااا
محروص بنفاذ
صبر هيرجع تاني يقولي رزق انت مششش بتفهممم رزق ازاي بالحرااااام انت معداش في دينك خالص انو ربنا محرم علينا اكل القطط والكلاب يامتعلم يابتاع الشهاده
حسين 
انا
لسه هيتكلم حسن اتكلم محروص وقال
انا اللي عندي قولتو مش هرجع في انت هتروح دلوقتي معايا القسم وتعترف بكل حاجه
صفيه پبكاء
بس يامحروص كدا الواعد هيضيع
محروص 
وهو مفكرش ليه في كدا لمه راح يعمل عمله الهباب دي مش هو اللي عمل كدا من نفسه يبقا يتحمل بقا نتيجة اخطائه
وفعلا محروص اخد حسين وكانو طالعين من البيت وقفتهم صفيه اللي جريت علي ابنها وحضنته وقالت
صفيه پبكاء
متقلقش ياضنايا انا هفضل معاك علطول واخواتك في ضهرك مش هنسيبك متخافش
حسين 
حضنها. جااامد وعيط وقال
اسف والله حقك عليا حقك عليا اني مكنتش ليكي زي بقيت اخواتي انا اسف
صفيه بدموع
ماتقولش كدا انت احسن حد وهتكون كدا ان شاء الله فتره وهتزول
ذكريا
حط ايده علي كتفك وقال
شده وبتزول واحنا معاك
يلا ياحسين بينا وخده محروص من غير ماياخد معاه حد
في قسم الشرطه
محروص 
كلم العسكري وقال
معلش يابني انا كنت عايز اقدم بلاغ
العسكري
تمام اتفضل عند ادم باشا جوه
دخل محروص وحسين عند ادم اللي اتكلم وقال
ادم
هااا مين اللي هيقدم بلاغ..
حسين بندم
انا يابشاا
ادم
خير جاي تقدمه في مين
حسين بحزن
انا جاي اسلم نفسي
ادم
والتهمه ايه بقا
حسين بندم
انا كنت پقتل قطط وكلاب وببعها لمحلات الاكل في الشارع
ادم
تمام تقدر بقا تقولي اسم المحلات دي ايه
حسين
اتكلم وقال كل اللي يعرفه واسم المحلات ايه
ادم
اكتب عندك يابني يتم تحويل المتهم حسين محروص احمد للنيابه
واخده العسكري وكان هينزل بيه الحجز بس وقفه محروص لمه قال
استني يابني دقيقه واحده بس اقول حاجه
العسكري
طيب يلا مطولش
محروص 
قرب من حسين وحضنه جامد وقال
متزعلش يابني وتشيل في نفسك وتفتكر انو ابوك هو اللي سلمك ده علشان مصلحتك وانك غلط وده نتيجه غلطك علشان لمه تفكر تغلط تاني تفتكر اللي حصل ده
حسين بندم
انا مش زعلانه منك يابابا بالعكس انا عملت غلط واديني بحصد نتجته
بعد مرور سنه
مديحه 
ياحماتي ام سعيد جبتلي كام جوز بط علشان نربيهم احطهم فين بقا
صفيه
خلي تغريد تقفل البلاكونه بتاعتها زيك وتحطهم فيها
محمد
طب ماكفايا كدا الموضوع عدا عليه سنه ياماما اطلعو ربو فوق الطير زي ماكنتو بتعملو في الاول
صفيه
السطح مش هيتفتح تاني ولا حد هيطلعه خلاص ده اتحرم علينا من يوم حسين اخوك اللي ربنا يرد غبته يارب
مديحه 
هانت ياحماتي هانت الايام بتعدي وهيطلع مينور بيته
صفيه بدموع
يارب يامديحه يارب لانو وحشني اووي واتقهرت لمه عرفت انو لمه اتحبس كدا مستقبله ضاع
مديحه 
هوني علي نفسك ياحماتي انتي مغلطيش في حاجه انتي ربيتي وعلمتي وكبرتي هو البنأدم الللي بيتصرف غلط وهو حسين ان شاء الله هيطلع متعلم الدرس ده كويس جداا
صفيه
يارب يابنتي يارب
مديحه 
نادت علي ابنها احمد وقالت
ولا يااحمد كفايا لعب يلا كدا وروح احفظ بقيت القرآن بتاعك علشان عندنا شرح وفهم سورة طه النهارده وبعدها نذاكر
أحمد بتذمر
ايه ياماما ده كلو
مديحه 
قربت منو ونزلت لمستواه وقالت
انا عيزاك تبقا احسن ولد الدنيا تكون حاطط ربنا في كل خطوه بتخطيها وتعرف تفرق مابين الحلال والحرام وتقعش
في الغلط وانو الشهدات اللي هتاخدها في دراستك مش مقياس ليك انك كدا بقيت حد ناجح لأ درجة قربك وسعيك في الخير وفي شغلك واخلاقك هي اللي هتحدد انت ايه ومتستسهلش الحړام لان طريقه سهل لا روح الطريق الحلال واسعي في مهما كان صعب في اوله بس في الاخر هتكون حد. صالح فاهم كلامي ده ياعين امك
أحمد
فاهم ياماما وان شاء الله هكبر وابقا راجل اي الدنيا وهتبقي فخور بيا
مديحه 
حضنت أحمد وقالت
ربنا يحفظك ليا يابني ويدلك دايما للطريق الصح
ودي كانت قصتنا النهارده اتمني تكونو استفدتو اخدتو استفاده وعبره
وألقاكم في قصة وحكايا جديده