خېانه زوج متملك

وانا شايفها طلعان عينها مع ولادي وانا هنا بخونها 
نزلت دموع مايا ووقفت وقالتله 
امشي يا ياسين قوم امشي يلاا وانسي مايا خالص وانسي الكام شهر دول خالص حتي لو حصل وشوفتني صدفه اعمل نفسك مش عارفني .
قام ياسين ومسك جاكيت بدلته وقالها
انا اسف بجد انا اسف .
_ قال كلامه وسابها ومشي .ورجع ياسين من ذكرياته واتنهد بضيق وبعدين نفض كل الافكار دي من دماغه وكمل شغله هو كمان  
_بالليل كانت شروق قاعده في الجنينه بتذاكر لولادها وقعدت جنب يوسف وقالتله 
شروق
ايه اللي انت عامله ده يا ابني هو انا مش قولت نمشي علي الخط 
يوسف 
اعملك ايه الكلام هو اللي بيقع من علي الخط 
شروق
صبرني يارب بص انت ركز في اللي بتكتبه وما تسرحش وهتلاقي نفسك ما نزلتش من علي الخط 
يوسف 
ماما روحي شوفي يزن وانا هظبط الوضع 
شروق ابتسمت وقالت 
لا والله وبعدين اخوك شاطر ومش محتاجني زيك ياللي فهمك بطئ زي ابوك 
رد عليها ياسين اللي كان واقف قريب منهم وقال
زي ابوه ده انا بټشتم وانا مش موجود اهو 
ما ردتش عليه شروق وقالت لابنها
يلا هنبدأ من الاول يا حبيبي بس نركز 
ياسين
تعالي يا شروق عايزك 
شروق
مش فاضيه الشغالين رجعو هيعملولك اللي عايزه 
قرب منها وقال بهدوء
انا عايز مراتي مش عايز الشغالين 
يوسف 
يا ماما روحي بقي وارحميني 
ضحك ياسين وقاله
جدع يااه ذاكر لوحدك بقي 
_ واخد ياسين شروق معاه وطلعو اوضتهم وهي راحت قعدت علي السرير وهي مدايقه وهو قالها بهدوء 
ياسين
انا اسف عشان اتعصبت عليكي 
شروق بحزن 
عادي 
ياسين قعد جنبيها وقالها
طيب ايه اللي مزعلك مني بقي 
شروق 
ما فيش حاجه 
ياسين
لا في وبلاش تتعاملي معايا كده يا شروق ياريت 
شروق بدموع 
انت ما بقتش فاضيلي يا ياسين وانا حاسه اني بقيت لوحدي في كل حاجه ومش لاقياك جنبي غير بتعمل واجبك وخلاص وكأنه هم عليك كمان 
مسك ياسين ايدها وقالها 
لا أطلب الكثير فقط رؤيتك لمدة لا تتجاوز عمرا كاملا  يعني يادوبك .
شروق ابتسمت وقالت
يعني ايه 
ياسين 
يعني لو عليا افضل جنبك العمر كله وبرضو مش هشبع منك وما تركزيش اووي انا حافظها بالعافيه  بس والله العظيم الشغل تقيل اوي الفتره دي ومش عارف
اخد نفسي حتي 
شروق بحزن 
الموضوع مش يوم ولا اتنين ده سنين يا ياسين وانا كاتمه في قلبي وساكته وبقول مسيره يشوف اني مدايقه وتحس انك بعدت عني 
ياسين 
خلاص مش هتتكرر وما تكتميش لو سمحتي اتكلمي معايا علي طول بلاش نعمل مسافات بينا 
شروق بهدوء
حاضر وانا كمان اسفه اني زعلتك 
ياسين
اللي تشوفيه ما هما كده كده هينامو العيال 
_وتاني يوم قدام اوضة الاجتماعات اللي كانو بيناقشو فيها الصفقه مع رجال الاعمال 
يوسف 
في ايه يا ياسين ما تهدي شويه وكنا هنوصل لحل 
ياسين بعصبيه 
انا ما حدش يتريق علي شغلي يا يوسف والواد ده والله لانزله للارض .
يوسف بضيق 
طيب اهدي مش كده والله .
جات دارين 
اوعدك اني هقف جنبك وهخليك تاخد الصفقه دي بس المفروض تتعامل معاه بهدوء شويه 
لو سمحتي انا مش قادر اتكلم دلوقتي 
يوسف 
ولا انا ومش طايق حد برضو 
تجاهلت دارين كلام يوسف وقالت لياسين
خلاص هسيبك تهدي ونتقابل وقت تاني .
_ وسابتهم ومشيت ويوسف قلد طريقتها وقال 
يوسف 
اوحدك اني حأف كنبك لحد ما تاخد السفكه ايه البت المسهوكه دي ما احبش انا البنات دي 
ياسين طلع موبيله اللي بيرن وقال
استني اشوف شروق عايزه ايه .
ورد علي شروق وقالها
اهدي طيب اهدي خلاص جاااي اهدي ياا شروق .
قفل معاها ويوسف سأله بقلق
مالها شروق في ايه 
ياسين بضيق
الاستاذ يزن ابني واحد صاحبه في الحضانه 
ضحك يوسف وقال
ههههههه هو هيجيبه من