اتجوزني عشان اربيله ابنه٧_بقلم رحاب القاضي_

بصت ليه مريم بدموع وعلا اتخبت وراه وقالت
شوفت مراتك يا معتز عملت فيا ايه، لا بجد طرمت فيك العشره اللي بينا..

معتز 
معلش يا علا حقك عليا

مريم 
انا طالعه فوق..

_طلعت مريم فوق شقتها واياد طلع قال بضيق..

اياد 
فين ماما؟..

علا بغي1ـظ 
هو كمان بيقولها ماما، اياك يا ولد تقول لاي حد ماما انت فاهم، مامتك م1تت..

اتخبي اياد في الفت اللي زعقت فيها وقالت 
وبعدين معاكي بقي كفايه يا علا انتي جايه تعملي مشاكل وخلاص..

وبعدين بصت لمعتز وقالت
وعلي فكره يا معتز الانسه علا هي اللي  غلطت في مريم الاول وعصبتها..

مسح معتز بايده علي وشه وقال بضيق
انتي جايه عايزه ايه يا علا؟..

علا بحده 
انت ازاي تتجوز البنت دي، وازاي اصلا تتجوز من غير احنا ما نعرف، ومش بس كده لا نعرف من الغريب كمان..

معتز 
وانتي مالك انتي واهلك اتجوز ولا لا دي حاجه ترجعلي انا..

علا 
لا طبعا احنا لازم نعرف انت هتجيب مين تربي ابن اختي الله يرحمها..

معتز بعصپيه  رد عليها وقال
وانا مش جايبها لابني يا علا، انا اتجوزت عشان انا عايز اتجوز ده اولاً ولا انتي فاكراني هقعد عايش علي ذكريات اختك اللي كلها كانت نكد عليا وعلي اهلي، وثانيا بقي عشان مريم احسن بنت تنفع تربي اياد وانا مطمن عليه معاه اكتر ما ببقي مطمن عليه مع امي نفسها..

علا بغي1ـظ قالت ليه 
ماشي يا معتز اللي يريحك، ممكن بقي اخد اياد يقعد معانا كام يووم..

معتز
بلاش النهارده الولد اكيد اتوتر باللي حصل قدامه ده، ابقي كمان يومين كده تعالي خديه..

علا بغي1ـظ 
ماشي يا معتز وياريت تبطلو تكرهو الولد فينا، دي الحاجه الوحيده اللي فاضله لينا من اختي الله يرحمها..

_قالت علا كلامها ومشيت ودخل معتز قعد علي الكنبه وهو مدايق، قرب منه اياد وقال..

اياد 
انا مش هكلمك وزعلان منك؟..

معتز 
معلش يا اياد هخليك تروح مع علا يوم تاني..