قصة اوردر الشاورما قصه رائعه وكوميديه

= كان لسه راجع من الإمارات ؟

_ صح انت عرفت ازاي

= يا حبيبي هو التريند كدا، كل ولاد الخالة بيرجعوا من الإمارات يخـ ـطفوا البنات من الفـقرا اللي زيك

_ بعتتلي مسدچ يوم فرحها قالتلي انا هكون معاه  بس، لكن قلبي ليك انت

= وشوفت استوري من فرحها عند واحدة صاحبتها وهي بترقــص ولا على بالها

= وانت دلوقتي بتحاول تســلط معدتك على عقلك، بتواجه اكتـئابك بالأكل

_ بحاول اهرب من أفكاري بس

= وبتاكل نفس الأكل اللي كنتو بتاكلوه سوا، لا براڤو، انت حرفيا بتستخبى في البوكس

_ أمال اعمل ايه بس أعمل ايه

= انت مبتحبهاش يا ابني انت بس مريـض بيها

_ لأ بحبها انت ايشعرفك

= ما انت لو لسه بتحبها تبقى مهــزأ 

_ ايوه صح انا مريــض بيها

= الذكريات يا صديقي، مفيش جــرح هيلم طول ما انت بترش عليه كولونيا

_ مش بإيدي

= لأ بإيدك، ابعد عن أي مكان روحتوه مع بعض، ابعد عن أي أغنية سمعتوها مع بعض

_ وايه كمان

= افتح صفحة جديدة متكونش هي فيها، ابدأ حياة جديدة مع حد جديد

_ هبعد عن كل حاجة بتفكرني بيها

= مش محتاج اقولك تبطل الشاورما لحمة ومتروحش مصر الجديدة تحت أي سبب

_ انت صح، كنسل الأوردر بتاعي لو سمحت

= دا بقى اللي كنت خـايف عليك منه

_ إيه هو ؟

= الزهد اللي هيجيلك بعد ما توصل للي كان نفسك فيه، سدة النفس تجاه العالم والأشياء

_ خلاص مبقتش عايز حاجة

= غــلط، انت لازم تعيش حياتك زي ما هي عايشة حياتها تحب وتتجوز وتخلف ، هي اسمها ايه

_ أم هاني

= انت كنت بتحب أرملة وللا إيه

_ لا هي جابت هاني بعد ما فركشنا

= قولها حياتي هتكمل بعدك يا أم هاني

_ حياتي هتكمل بعدك يا أم هاني

= قولها هدوںںں عليكي وعلى أحـزاني

_ هدوںںں عليكي يا بنت المقــشفة

= قول أرنبنا في منور أنور وأرنب أنور في منورنا

_ نعم ؟!

= لا انا اسف مش بتاعتك دي ، عيش حياتك وانسى اللي فاتك

_ حاضر

= واطـفح اي حاجة تعجبك إلا اللحمة

_ اعملي أوردر باتنين بطاطس موتزاريلا

= تاخد معاهم مخلل ؟

_ اه وتومية

= أقل من نص ساعة ويكون الأوردر عندك يا بطل، أنا فخور بيك

_ مع السلامة

= يا عصاااام ، أوردر الزبون المطـفي بتاع الدرب الاحمر اللي كنستله عشان اللحمة خلصانه ، طلع بداله بطاطس

#حارث
#حارث_عيد