ابن جوز الام والعنيده١_بقلم رحاب القاضي _

هشام بعصبيه _
مش طالبه هزار خالص واكتمي ومش عايز سهوكه وضحك ع الفاضيه والمليانه ولو وجهلك كلام قدامي ورديتي قبل مانا ارد هنفخك..

نور بغي،ـظ وصوت واطي _
صدق نفسه ابن فهيمه الكاتعه..

هشام بعصبيه _
بتقولي اي ي بت انتي..

نور بهدوء _
مقولتش حاجه ي قلب اختك يلا ندخل الواد زمانه بقي بدنجان مخلل جوه..

_دخلو وفعلا قابلو الولد اللي عايز يخطب نور..

نور بهدوء _
اعرفك ي هشام ده عمر محمد الاول ع الدفعه ورئيس اتحاد الطلبه فالجامعه..

هشام بغي،ـظ وهو بيسلم عليه _
اهلا استاذ يهودي...

نور بقلق _
اي يهودي دي يخربيتك..

هشام بسخريه _
هو مش الاول ع الدفعه يبقي منهم..

عمر بقلق _
هما مين دول حضرتك.؟..

هشام بغي،ـظ _
يهود الدفعه..

ضحك عمر وقاله _
لا لا انا مش كده خالص، انا عنيا لزمايلي، صح ي نور..

قرب منها هشام بسرعه وقال بغي،ـظ _
لو خلف فيكي ابوكي ردي..

نور بتوتر _
ردت الميه فزورك ي هشام بس لما نروح،والله لوريك صبرك عليا...

عمر بهدوء _
طبعا ي استاذ هشام نور قالتك اا..

قاطعه هشتم وقال بحده _
اولا ي حبيبي تقولها انسه نور، انت مين عشان تقولها نور كده ع طول..

نور بقلق _
ااا ي عمر متفهمش غلط هشام بس بيحب الرسميات شويه..

قربت من هشام وقالتله بغي،ـظ _
اتلم بدل مقوم المك قدام الناس..

هشام بغي،ـظ وصوت واطي _
انا اللي اتلم وانتي شغاله عمر عمر كان من باقي اهلك ولا فاكره نفسك مي عز الدين فعمر وسلمي..

ضحكت نور لعمر اللي بيبصلهم ومش فاهم حاجه، وقالت لهشام بصوت واطي..

نور _
هنروح هانت وهنروح ان مخليتك تقول حقي برقبتي مبقاش انا نور..

عمر بجديه _
طيب ي استاذ هشام انا بحب الانسه نور وعايز اتجوزها..

_اتكسفت نور وبصت الارض، وادايق هشام جدا وهو  بيسمعه بيتكلم كده عن نور حبيبة طفولته من وهي عندها سنتين وهو بيحبها وراسم احلامه كلها ع انها لما هتكبر هيتجوزها...

عمر _
حضرتك معايا ي استاذ هشام؟...

هشام بهدوء وعيونه اتملت دموع _
اايوه معاك، ونور بقي بتحبك وعايزه تتجوزك هي كمان..

عمر بثقه _
اكيد. طبعاً، والا مكنتش هقابلك واطلب طلب زي ده من غير مكون واثق من مشاعرها ناحيتي..

هشام بدموع _
صح ي نور الكلام ده؟...

نور بخو.ف _
انا كنت هقولك كل حاجه ي هشام..

ضحك هشام بالم ورد عليها _
لا عادي ولا يهمك، نطلب العشا طيب ي جماعه.. 
_يتبع..