اتجوزت مرات اخويا عشان اربيله بنته٢
انت في الصفحة 1 من 8 صفحات
اتجوت مرات اخويا عشان اربيله بنته 2
ام هيام _يا بنتي ميصحش كده عيب المأذون بره والشهود وحماكي والعريس غيري هدومك واطلعي...
هيام بضيق _مش هغير حاجه انا جاهزه اهو يا ماما وزي الفل عاجبهم كده اهلا وسهلا مش عاجبهم يبقي يمشو ويسيبوني انا وبنتي...
ام هيام _خلاص اللي يريحك المهم اطلعي وبلاش تعملي مشاكل كفايه كلام الناس اللي شمت,انه فيكي ان جوزك راح..
_طلعت هيام وقعدت جنب باباها وهي مش بتبص لحد، فقال كارم بسخريه...
كارم _يا زين ما اختارتي عشان تلبسي يا عرويه، هي فعلا جوازه سودا...
ردت هيام عليه بحده وقالت _لو مش عاجبك عندك ابوك اهو قوله....
ضحك كارم ع جراءتها، ومردش وبعدين بدأ المأذون وكتب الكتاب ومشي هو والشهود...
فتحي بهدوء _مبروك يا عروسه...
هيام بسخريه _انا عايزه اسالك سؤال يا حج فتحي..
رد عليها وقال _خير يا مرات ابني؟..
هيام بعصبيه _هو مش انت سبق وقولتلي وانت قاعد نفس قعدتك دي اني ف,قر وش,ؤم علي ابنك الله يرحمه، خليت ليه ابنك الصغير يتجوزني ايه مستعني عنه...
ضحك كارم ورد عليها _لا جامده دي والله، مكنتش فاكرك بتفهمي...
وقف كارم وقال _علي العموم يا جماعه انا عندي مشوار مهم بقولك ايه يا حج خدها معاك وانت مروح وانا هاجي وراك...
_قال كلامه وسابهم وخرج، وكان غنحي متع,صب من هيام ومن تصرفات ابنه الاتنين شبه لعض في العند بس قال لنفسه...
فتحي _والله محد هيربيكم ويكسر العند. بتاعكم ده غيركم انتو الاتننين...
_في المنصوره في بيت فتحي الشناوي، رجع كمال من شغله لقي مراته وامه قاعدين بيتكلمو، فراح وقعد معاهم وقال...
كمال _هو ابويا وكارم لسه مجوش...
ردت عليه ثريا وقالت _ابوك كلمني وقالي انه جايب هيام وبنتها وجاي واخوك قال عنده مشوار...
ضحك كمال وقال _انا كنت عارف ان كارم مش هيعدي اللي بيحصل ده علي خير...
