اتجوزت مرات اخويا عشان اربيله بنته١

ثريا بهدوء _حمد لله علي سلامتك يا حج الف حمد لله علي سلامتك يا حج...

فتحي بابتسامه واسعه _اهو كده الروح ردتلي لما شوفتك يا ام العيال...

قال ابنه الكبير كمال _اي ياا حج اعمل حساب اننا قاعدين طيب...

ردت عليه نجوي مراته وقالت _بس يا كمال اسكت خلينا نتفرح اهو يمكن تتعلم...

ضحكت ثريا وقالتلها _ لا يا نجوي معلش كمال والف زيه لو قعدو عمرهم كله يتفرجو علي الحج مش هيبقو ربعه...

باس فتحي راسها وقال _تسلميلي يا غاليه...

اتنهد كمال وقاله بضيق _امم افضل انت اعمل كده وانا هيتنكد عليا عشان مش زيك...

قعد فتحي ع الكنبه هو ومراته وقاله بحده _عشان انت غشيم ومش عارف تسير امورك...

ثريا بجديه _المهم يا حج عملت ايه مع هيام، ايه وافقت؟..

اتنهد فتحي ورد عليها _راسها ناشفه بس لويت دراعها هي واهلها ووافقت...

نجوي بحزن _يا عمي والله هيام غلبانه وكانت بتحب المرحوم علي الله يرحمه ومستحيل تتجوز بعده...

رد عليها كمال بحده وقال _لا يا نجوي مينفعش هيام صغيره وحلوه ومش هتفضل طول عمرها قاعده علي بنتها، ابويا معاه حق هي لازم تيجي هنا وبنت اخويا تتربي وسطينا...

ثريا بضيق _بس كانت جات من غير جواز واحنا كنا حكمنا عليها تقعد علي بنتها، ذنبه ايه كارم يتجوز وحده اكبر منه بسنه وكمان مش بنت ومعاها عيل...

فتحي بحده _جرا ايه يا ثريا تاني، انا بعمل اللي يريح ضميري بيني وبين ربنا وكارم ولدك مهيتلمش ويبطل صرمحه غير لما يتجوز...

_دخل في الوقت ده كارم وكان ماسك الجاكت بتاع بدلته في ايده وبيقلب في موبيله، وطلع علي اوضته من غير ما يكلم حد بس وقف لما فتكي قام وزعق فيه..

قرب منه فتحي وقال _كنت فين ياد انت؟..

اتنهد كارم ورد عليه وقال _كنت في اسكندريه مع صحابي، في حاجه يا يحج...

فتحي بغي،ـظ _ومقولتش ليه انك مسافر مش عايش مع بني ادمين ولا مش عاملنا قيمه..

ضحك كارم ورد عليه بسخريه وقال _هو حضرتك لامؤخذه يعني بتكلم عيل صغير، يا حج بطل بقي الحركات دي، ده انا بقيت اطول منك....

زعق فيه فتحي وقال _عندك ياا ولد انت، هعديلك اي حاجه غير انك تبجح فيا ي قلـ،ـيل الاـ،ـدب...

وقف كمال بينهم وقال لباباه بقلق _عشان خاطري يا حج تهدي هو مقصدش والله..

فتحي بعصبيه _هي كلمه ومش هتتكرر تيجي معايا بكره وتكتب علي هيام...

ضحك كارم بسخريه وقاله _ليه من قلة البنات اتجوز وحده زي هيام...

ثريا بحده _عيب عليك يا ولد دي كانت مرت اخوك...

كارم بعصبيه _انا مش عيل صغير عشان اتجوز وحده انتو تختاروها ليا، بقولك اي انت عندك كمال اهو اتجوز نجوي اللي انت اخترتهاله جوزو بقي هيام هيقولك حاضر..