جبروت مرات ابويا _كامله بقلم رحاب القاضي
ما تيجي وتشوفي ابنك
طلعت فايزه من المطبخ وقالت
مالك يا بت انتي صوتك عالي كده ليه
نور
شوفي ابنك يا مرات ابويا ده منظر يقعد بيه في البيت
اسلام
ما تزعليش اووي يا اختي هروح اهو البس التيشرت
فايزه
جرا ايه يا حبيبتي ده بيته زي ما هو بيتك ويقعد براحته مش كفايه كان طول اليوم واقف مكان ابوكي في المحل
هه ويا تارا بقي قلب كام النهارده من ايراد المحل يا مرات ابويا
اسلام بتوتر
هاا بقي دي اخرتها يا نور اخص عليكي ده انا امين اووي وعمري ما اخون الامانه اللي امني عليها الراجل اللي بعتبره زي ابويا
نور
وفر كلامك ده ليك ولامك انا داخله جوه اغير هدومي
فايزه
طيب انجزي يلا عشان تيجي تجهزي الغدا مش هنفضل قاعدين جعانين كده كتير
نور
مالك يا ياسين يا حبيبي قاعد ليه كده
ياسين پخوف
لا لا ما فيش حاجه انا بس عندي مذاكره كتير
نور
ما انت لو بتسمع كلامي يا ياسين وبتذاكر كل يوم بيومه ما كانش شكلك بقي كده
وراحت طلعت هدوم من الدولاب وقالت
بس ما تزعلش استني اجهز الغدا وبعد ما نتغدي نقعد نذاكر سوا
فايزه
بقولك ايه يا صلاح احنا عايزين نفرح بالعيال بقي
صلاح بقلق
مم مش وقته الكلام ده يا حبيبتي انا بقول نشرب شاي ممكن يا نور تعمليلنا شاي
اسلام بسرعه
لا يا عمي انا بنفسي اللي هعمل الشاي وهعملك كوباية شاي بالنعناع من اللي بتحبها
تسلم يا ابني ربنا يبارك فيك ويخليك يا رب
ودخل اسلام المطبخ وكان بيبص لفايزه بنظرات غريبه وفايزه بعدها قالت پغضب
فايزه
انا خلاص صبرت كتير وابني كبر وبقي سيد الرجاله وانا عايزه افرح بيه
نور
انا مش فاهمه انتي بتلمحي لايه يا مرات ابويا ما تتكلمي علي طول
فايزه
هقولك يا نور انا اتفقت مع ابوكي اننا نقرا فاتحتك انتي واسلام ابني ونعمل خطوبه قريب واهو يبقي زيتنا في دقيقنا
بلا زيت بلا مايه يا مرات ابويا ويكون في علمك اللي انتي عايزااه واني اتجوز النطع ابنك مش هيحصل ولو كنت بسكت وبخدمك واقول حاضر ونعم فده عشان ابويا هو اللي بيطلب مني كده وانا مش عايزه ازعله انما تتحكمي في مستقبلي ده اللي مش هسكت ليكي عليه ابدا
قالت كلامها واخدت ياسين اخوها ودخلت جوه واسلام طلع من المطبخ وهو متعصب وقال
عاجبك كلام بنتك ده يا عمو صلاح..
صلاح بقلق
لا بس معلش اديها وقتها وانا هتكلم معاها وهقنعها..
اسلام
طيب اتفضل الشاي يا عمي واشربه سخن بقي اوعي تسيبه..
صلاح
حاضر يا ابني شكرا وتسلم ايدك يا ابني..
قربت فايزه من اسلام وقالت بصوت واطي
ها عملت زي ما اتفقنا..
اسلام
ايوه خليه يشرب بالشفااا...
_وتاني يوم
