ملاكي البرئ٣_بقلم رحاب القاضي

كريم _
يابن المحظوظه ي محمود، اي القمر ده..

زعق فيه محمود _
اتلم دي فمقام مرات اخوك..

كريم _
طيب قاعد. لي، روح كلمها، مش اهلك وافقو ع انك تتجوزها روح كلمها بقي وقولها..

قام محمود وقاله _
معاك حق..

_كان محمود رايحلها بس لقي في شاب قعد ع الترابيزه معاها، فاتغاظ جدا..

كريم _
اقعد ي عم اخوها معاها..

قعد محمود وقال بعصبيه _
معندهاش اخوات..

كريم _
تلاقيه حد قريبها، استني يمشي وروح كلمها..

_سكت محمود وكان بيبصلها وهي مش واخده بالها منه ومتعصب انها بتتكلم مع غيره وبتضحك..

ملك _
يعني انا كده خفيت ي دكتور وليد؟..

وليد _

ايوه بنسبه كبيره، وخفيتي من لما قولتي كل اللي جواكي لباباكي..

وليد _
قوليلي ي ملك فاكره اول مره جيتي عندي قولتيلي انك مستحيل تقعدي فمطعم او تكلمي حد او تحبي او تصحابي صح؟..

ضحكت وردت عليه _
ااه فاكره وقتها انت قولتلي النشيد..

وليد _
طيب وملك حققت اي من النشيد..

ملك _
انا مش ضعيفه وبطلت اخاف، انا نزلت الشارع لوحدي واشتريت حاجات لوحدي انا بقي عندي صحاب وحبيت ..

سكتت وبان عليها الزعل..

وليد _
فاضل بس تتجوزي وتخلفي، ده بعد الجامعه طبعا ي دكتوره ملك..

ملك بدموع _

وليد _
لي طيب، هو ممكن يرجع..

ملك _
مش هيرجع، عشان انا مش مناسبه ليه..

كريم _
اقعد ربنا يهديك امها شغاله هنا بلاش تعمل مشاكل..

محمود بعصبيه _
امها بتبعدها عني وسيبها قاعده مع واحد لوحدهم اكتر من ساعه..

كريم _
طيب اهدي لحسن يطلع قريبها وهيبقي شكلك وحش..

_سابه محمود وراح لملك ووليد..