المطلقه والبواب _الاول والثاني والثالت
اتجار في المخدرت ... وطبعا انا اول ما عرفت كده اتسللت بليل واخدت العيال وهربت بيهم ع القاهرة ...
لاني لو كنت فضلت في البلد ... كنت هتسجن ظلم ... وهسيب البنات لوحدهم ... وتركت زوجتي ومقدرتش حتة اډفنها وسيبتها لاهل البلد يدفونوها ...
ومن ساعتها ... عبير عشان كبيرة وواعية لما شافت للي حصل اټصدمت ... شافت الي حصل لامها ومن من يومها والكوابيس ملازماها زي ما سمعتيها كده
طيب وجيبت معاك شهادات ميلاد البنات عشان تدخلهم مدرسة هنا ولا ايه
قال انا لما خرجت من البلد كنت لابس لامؤخذة السروال بس ... لانهم لما جم يضربوني قلعوني هدومي كلها الي كان فيها محظتي وكل الورق ... وللاسف جيت مصر وانا مش معايا ولا ورقة ... سكت صقر عن الكلام ثم نظر الي ثم بدء
بس كان لازم احكيهالك عشان تبقي عارفة ايه سبب تصرفات عبير الغريبة ...
قلت عموما خلي بالك منها وحاول تنسيها الي حصل واحدة واحدة ...
قال هو ده الي انا بحاول اعمله من يوم الحاډثة
قلت طيب انا هطلع بقي يا صقر وتبقي اقفل البوابة كويس
قال اطمني يا فندم ونامي وغمضي عنيكي انا سهران تحت العمارة طول الليل ...
نظر الي بادب شديد وقال وحضرتك من اهلة
خرجت من عند صقر وطبعا مطلبتش منه اي اوراق
لاني مقدرتش اقولة علي اي اوراق بعد كل الي سمعته ده
وحتي لو كنت طلبت فا اكيد الراجل هرب وساب كل حاجة ومفيش معاه ولا اي ورقة ... بصراحة ... مش عارفة ليه حسيت اني تعاطفت مع صقر وعيالة
يمكن عشان القصة الي حكهالي
ويمكن عشان الظلم الي اتعرض ليه صقر
عدي كام ولقيت شقيقي احمد الكبير بيتصل بيا وبيسالني علي موضوع الاوراق والبطاقة الخاصة بصقر
قلت اه خلاص يا احمد انا شوفت الاوراق بنفسي واتاكدت منها ...
رد احمد قائلا
طيب يا شيرين في موضوع عايز اكلمك فية بس مكنش ينفع اقولك عليه لغاية ما تتاكدي ان هيبقي معاكي في البيت بواب دائم عشان كلام الناس
قال حاضر هفهمك .
في واحد زميلي في البنك الي بشتغل فيه وصاحبي في نفس الوقت ... من فترة كده حصلتلة ظروف اثرت علي نفسيتة ... وعشان كده فكر انه يغير السكن بتاعة
ويشتري شقة جديدة يعيش فيها
ولكن بشرط تكون جنب شغلة في المنيل ...
فا انا اقترحت عليه بانه يشتري الشقة عندك في العمارة
بدل ما العمارة فاضية عليكي كده
بس كنت منتظر لما تجيبي بواب
عشان ميبقاش ساكن معاكي راجل وانتي
