اتجوزت اخو خطيبي_بقلم رحاب القاضي ـ

مش عارف روح دور عليها من غير محد ياخد. باله واول متلاقيها هاته ع هنا ع طول فاهم..

مصطفي _
حاضر ي حج..

راشيد _
استني ي مصطفي..

مصطفي _
نعم ي حج خير؟..

راشيد _
روح بيت سالم هتلاقيها هناك، محدش غيره لعب فدماغ ريتال عشان تهرب واحنا نتفضح وفالاخر هو يتجوزها..

مصطفي _
ده لو كانت عنده يمين عظيم لـ اخلي ليلتهم سودا..

راشيد _
متنساش انها بنت عمته وهي لو هربت وراحت عندهم مش عيب ده بيت خالها، فتجيبها بالراحه ونربيها بمعرفتنا..

مصطفي _
خير ي حج ان شاء الله..

فتون وهي بتبكي _
ازاي ي ماما ده عريس اختي ازاي اتجوزو اناا؟..

ناهد _
انا اعمل اي دلوقتي منها لله ريتال هي السبب..

فتون _

وانا ذنبي اي اتجوز بالشكل ده عشان هي متتفضحش..

دخل عارف وزعق فيها _
انتي لسه ملبستيش فستان الفرح ي فتون، اخلصي يلا عشان نكتب الكتاب وتروحي مع جوزك..

فتون _
ابوس ايدك ي بابا بلاش تعملو فيا كده..

دمعت عيون عارف ع حزن بنته وقال _
مش هقولك تاني البسي الفستان وخلي البت اللي بتحط المكياج دي تحطلك وانزلي عشان نتكتب الكتاب وتمشي مع جوزك..

_مشي عارف وحضنت فتون ناهد مامتها وفضلت تبكي...

_وصل مصطفي لبيت سالم ابن خال ريتال، ودخل البيت ع طول من غير حتي ميخبط، ولقي فعلا ريتال هناك وسالم برضو..

مصطفي بعصبيه _
متجمعين عند النبي ان شاء الله..

سالم _
انت ازاي تدخل كده، مش في باب تخبط عليه..

مصطفي _
الباب ده بيتعمل للناس المحترمه مش ليكم. انتو ي سالم..

بص لريتال وزعق فيها _
تعالي ي بت انتي هنا..