ملاكي البرئ١ _بقلم رحاب القاضي ـ

انا مش مريضه يارب انا بكلمك كويس اهو بس انا بخاف منهم بخاف من الناس عشان بتزعقلي وبيعاملوني ع اني مريضه، بخا@ف من المدرسه عشان معنديش صحاب والبنات مبتحبش تصاحبني، بس انا مش وحشه ومش عايزه ابقي كده..

_بعد شويه قامت وغيرت هدومها وفضلت تذاكر لحد مـ جات مامتها..

اميره _
اتاخرت عليكي ي حبيبتي..

ملك _
لا عادي..

قعدت اميره جنبها _
مالك ي ملك، في حاجه حصلت زعلتك؟..

بكت ملك_
ايوه ي ماما في، في اني هفضل طول عمري فالمرض ده بخاف من الناس بخا@ف اتكلم..

اميره _
لا انتي مش هتفضلي كده وبدليل انك بتتعاملي معايا انا وعرفه والدكتور وليد كويس جدا، انتي كل اللي ناقصك ثقه في نفسك..

ملك _
انتي بتقوليلي زي دكتور وليد بس انا مش بكون كويسه انا ديما بكون وحش@ه والناس بتدايق مني وبتزعقلي، ي بصعب عليهم وبيدايقوني  بـ نظراتهم..

اميره _
طيب اهدي ي نور عين ماما، وقوليلي اي حصل بس لـ كل ده؟..

ملك بدموع _
انا وطالعه من المطغم خبطت في واحد من غير مقصد فـ خوفت يكون زعل مني، فجيت اعتذرله تهتهت عشان كنت متوتره فزعق فيا بطريقه وحشه قدام الناس، ولما ركبت التاكسي خوفت اكتر ومعرفتش اتكلم، بس طلعتل الورقه فالسواق قالي ربنا يشفيكي، انا مش مريضه ي ماما قوليلهم كده قوليلهم اني خايفه منهم محتاجه يعاملوني كويس عشان اقدر اثق فالكلام معاهم واطمنلهم..

نزلت دموع اميره _
متخفيش انتي احسن من اي حد كويس، انتي مختلفه عنهم عشان اطيب منهم وبريئه عنهم، فعشان كده هما بيعاملوكي كده  ربنا ميزك باختلافك ده..

ملك _
انا عايزه ابطل اخااف...

اميره _
هيحصل بس بلاش تتعاملي مع ناس زي قليل الذوق اللي خبط فيكي دا، ولما السواق يعاملك عادي زي اي زبون وقتها هتفتكري اللي حصل وتقولي يااه ازاي انا كنت بخاف كده من حاجات مش بتخوف خالص ..

ملك _
تفتكري ده ممكن يحصل فيوم ي ماما؟...