ملاكي البرئ١ _بقلم رحاب القاضي ـ

ملك _
بس هو  بيحبني  ي ماما هو قالي كده..

الام _
لا مش بيحبك ي ملك هو بيتثلي بيكي..

دمعت عيون ملك _
طيب لي ي ماما هو انا وحشه..

الام _
انتي اجمل بنت فالدنيا كفايه طيبتك وبراءتك، بس واحد زي محمود لما هيجي يتجوز هيتجوز وحده من نفس مستوااه، هو بيستغل ظروفك وخوفك عشان يتثلي بيكي انما لما هيتجوز هيتجوز واحده غيرك..

ملك _
قصدك انه مش هيتجوزني عشان مش غنيه زيه، وكمان عشان مريضه نفسيه..

الام بسرعه _
لا يحببتي انتي مش مريضه انتي بس اعصابك تعبانه...

بكت ملك وقالتلها _
لا ي ماما الحقيقيه مش كده، انا مريضه انا جبانه ومريضه انا عندي رهااب اجتمااعي..

_نبدأ حكايتنا الجديده، اللي هنتعرف فيها عن حكاية بطلتنا ملك اللي عندها 18 سنه وفاخر سنه فالثانويه، بريئه اووي زي الاطفال بس بتعاني من مرض نفسي اسمه الرهاب الاجتماعي..

_يلا بينا ي اصدقائي نتعرف ع حكاية ملك ومرضها واي هو الرهاب الاجتماعي واي سبب انه يجي لـ ملك..

_ خلصت ملك مدرستها وراحت للمطعم اللي بتشتغل فيه مامتها، دخلت جوه وهي ماسكه روايتها فايدها وقعدت ع ترابيزه ناحية البحر،بعيده عن الناس خالص..

قرب منها واحد من اللي شغالين فالمطعم وقالها_
اتفضلي ي ست ملك، الـ ميلك اوريو اللي بتحبيه اهو..

ابتسمت وردت عليه _
شكرا ي عرفه، هي فين ماما؟..

عرفه _
مدام اميره بتقولك استنيها هي هتتاخر نص ساعه كده..

ملك _
ماشي ي عرفه شكراً..

_مشي عرفه من قدامها، وفتحت هي روايتها وفضلت تقرأ فيها وبعد شويه جات ليها اميره مامتها..

اميره _
معلش ي ملك مش هنقدر نروح للدكتور النهارده، هنأجلها ..

ملك _
طيب ماشي انا هستناكي نروح سوا..