خطايا الحب٣

"ندي" ببكاء _
انت بتقول اي؟!  دي لعبه جديده بقي عشان تريح ضميرك باللي عملته فيا..

رد عليها ببرود _
مش محتاج الف حاجه عشان اريح ضميري انا مش ندمان ع حاجه غير اني فـ يوم كنت شايفك غير اي حد وطلعتي اوسخ من اي حد..

_دخلتجوه وكلمت مامتها وهي بتبكي وقررت ترجع بيت اهلها خلاص كده كفايه، ردت مامتها وقالت ندب ببكاء...

"ندي"_
ماما انا تعبانه اووي مش قادره اعيش هنا..

نزلت دموع مامتها،بس ردت عليها بحده وقالت _
تعبانه عندك اي؟..

ندي _
مش قادره اعيش هنا انا كل يوم بتهان جامد هنا ي ماما..

الام بحزن _

استحملي، استحملي نتيجة غلطك وعيشي واياكي تفكري ترجعي هنا ابوكي من كام يوم وقع من طوله وكشفناله وطلع عنده القلب كله منك وبسببك، فخلي عندك د,م واتحملي غلطك لوحدك وبلاش تتعبي ابوكي اكتر..

_قفات مامتها في وشها، وقعدت ندي تبكي معرفتس تلاقيها منين ولا منين بس كل اللي كع في بالها كلام الكل عليها انها وحشه، مسكت شريط حبوب وقالت ببكاء..

ندي _
سامحني باارب بس انا مش قادره اكمل، انا محدش قابلني ومش لاقيه مكان اروح فيه سامحني..

_خلصت كلامها وشربت الشريط كله واتغطت ونامت..

_في البلكونه كان مازن قاعد سرحان في المكان قدامه، وموبيله رن وكان معتز رد عليه مازن وقال..

امازن _
ايوه معتز..

"معتز" بمرح_
فينك ي عم ولا هو الجواز اخدك. مننا..

مازن بسهريه _
اخر واحد يقول كده هو انت، ده انت اكتر حد عارف اللي فيها وعارف التدبيسه اللي فيها..

"معتز" بجديه_
انت لي بتقول كده، اوعي تكون لسه زعلان بسبب الكلام الغلس اللي قولته عليها..

"مازن" _
وانا ازعل منك انت لي، انت واحد جيت قولت اللي شوفته ووقتها مكنتش تعرف اني هتدبس فام الجوازه دي..

"معتز" بضيق_
بص ي مازن ورحمة ابويا انا مشوفت حاجه ع ندي بس كل الحكايه انها كانت عجباني جدا وكنت هموت واتجوزها ولما رفضتني انا اتحرجت اقول قدامك انها رفضتني كده من الباب للطاق فالفت حوار انها مش كويسه عشان كرامتي قدامك وانا شايف ان البنات بتقطع نفسها عليك وانا حتي فالحلال بترفض واقسم بالله تاني لو كنت اعرف انها تخصك انا مكنتش بصتلها ولا فكرت فيها..

"مازن" بحده _
: يعني انت تشوه سمعت البنت قدامي وتخليني اقولها كلام زي الز-فت كل مشوف خلقتها وتقولي كنت خايف ع كرامتي قدامك، ده انا اللي هيهين كرامة اهلك لما اشوفك..