ظابط الشرطه وبنت الليل٣

سهي _خير يا مدام فيفي في حاجه؟..

فيفي بضيق _انتي ايه اللي جابك تشتغلي هنا وانتي مش شبه الاشكال دي كلها ولا شبهنا...

دمعت عيون سهي وردت عليها _ولا عمري كنت هاجي هنا انا اهلي ربوني كويس علموني ان الحرام حرام والحلال حلال، بس ماما تعبت وجالها مرض وحش وانا مكنش قدامي غير هنا عشان انقذها...

فيفي بضيق _تخف امك وهتمشي صح..

سهي _اكيد طبعا وانا اسفه اني بقول كده، بس انتي قولتي ان ده مكان مش شبهي...

فيفي _علي الله امك تخف بسرعه قبل اا...

سهي بقلق _قبل ايه؟..

فيفي بحزن _قبل ما تبقي شبهنا، عشان لا انا ولا رزق هنقدر نعملك حاجه..

_ مشيت فيفي وقعدت سهي قلقانه من كلامها ومش عارفه معني كلامها، وبعدين خلصت شغلها وغيرت هدومها وسرحت شعرها كويس ولقيت عمر بعتلها رساله علي الموبيل وقالها...

عمر _هبعتلك اللوكيشن بتاع الكافي ولا لسه قاسيه؟..

ضحكت سهي وكتبتله _ابعته بس عشان تعرف اني مش قاسيه...

_ضحكت اووي لما بعتلها اللوكيشن ومعاه قلووب حمرا كتير، وبعدين نزلت وراحت الكافي واول ما دخلت شافته قاعد ع ترابيزه فراحت ووقفت جنبه وقالت بتوتر...

سهي _احم انا جيت؟...

عمر _متاخره عشر دقايق اترزعي...

سهي بغيظ _هو انت معندكش فلتر لكلامك ليه؟..

ضحك وقالها _ههههه والله ما اقصد اتفضلي اقعدي..

قعدت سهي وطلبلها عمر حاجه تشربها، وبعدين قالها بهدوء _ممكن تعرفيني بقي انتي مين؟...

سهي _سهي مانا قولتلك...

عمر _سهي بالشوكلاته سهي بالكريمه سهي بالغباوه، يبنتي مانا عارف ان اسمك سهي قوليلي حاجه معرفهاش...