ظلم ابويا خلاني اعمل فيه _التاني

رميت ابويا تحت سلم العماره من غير اكل ولا شرب والسبب.. 
_في بيت جمال كانت مريم قاعده مع باباها ومامتها اللي قالت وهي مټعصبه..
ناهد 
وانتي مالك هو كان ابوه ولا ابوكي مش كفايه انتي اللي خلتيه يجيبه البيت عندك يا خايبه..
مريم بضيق
انا مش خايبه يا ماما انا بعمل اللي يرضي ربنا ويريح ضميري هو انا مش عندي ولد هتبقو مبسوطين لما يعمل فيا كده بعد ما اكبر ما تقولها حاجه يا بابا..
جمال 
امك معاها حق يا مريم جوزك وابوه حرين انتي ما تعمليش مشاكل بنفسك ولا عاجبك انه يكلمني يقولي تعالي خد بنتك اللي نزلت من البيت من غير ما تقولي..

ناهد 
انا عارفه هو شايف نفسه علي ايه الله يرحم لما كان مش لاقي ياكل وشغال في الورشه زي اقل حد..
مريم بضيق 
لو سمحتي يا ماما ما تتكلميش علي جوزي كده وبعدين انا افتخر بيه انه ممدش ايده لحد واشتغل من صغره لحد ما بقي مهندس ميكانيكا قد الدنيا..
جمال ابتسم وقال
برافو عليكي يا مريم متربيه وفعلا ايهاب ابن اختي كبر وعمل شغله بايده اللي عمره ما مدها لحد راجل وعشان كده لما اتقدم عشان يتجوزك انا وافقت بيه..
مريم بتوتر
طيب يا بابا انا بكره الصبح هرجع بيتي ولجوزي انا مش عايزه تبقي في مشاكل بينا..
ناهد پحده 
ليه ان شاء الله ما لكيش اهل ما عندكيش كرامه هو زي ما خلاكي تمشي يجي ورجله فوق رقبته يرجعك..
مريم
الموضوع مش مستاهل يا ماما اني اعند واركب دماغي وبعدين ايهاب طيب وانا عارفه ان جوزي بيحبني ومش هخلي مشكله بسيطه زي دي تكبر بينا..
جمال 
سيبي بنتك براحتها يا ناهد هي تعرف جوزها ونظامه واللي يريحها اكتر مني ومنكوبرضو عايزك ديما تكوني عارفه ان بيت ابوكي مفتوحلك يا حبيبتي ...
مريم 
ربنا ما يحرمنيش منك ابدا يا بابا انت وماما...
_ وفعلا تاني يوم الصبح رجعت مريم الصبح بدري وكان ايهاب نايم وراحت لحماها وقالت..
مريم 
عامل ايه يا عمي مش احسن دلوقتي..
حمدي بدموع
انتي رجعتي يا بنتي حقك عليا ما تزعليش انا خليته يزعلك كل ده حصل بسببي..
مريم 
ما تقولش كده يا عمي وبعدين انا مش بزعل من ايهاب ده جوزي وحبيبي وانت كمان ما تزعلش منه هو بس مضغوط في الشغل وبيعمل حاجات مش مدرك انها غلط..
حمدي بتعب
حاضر يا بنتي روحي بقي شوفي جوزك عايز ايه وما تزعليهوش خالص..
مريم 
حاضر يا عمي بس هو انت مش بتاخد العلاج ولا ايه شكلك تعبان اووي..
حمدي پبكاء
انا استاهل اكتر من كده هو معاه حق انا استاهل اتعذب كده وما استهلش ارتاح..
مريم بدموع 
انا مش فاهمه ايهاب بيعمل ليه كده انا هروح اجيبلك العلاج من بره..
حمدي 
ابوس ايدك يا بنتي بلاش تعملي كده سيبيني انا وابني حرين في بعضينا بلاش انتي تدخلي عشان ما تخصلش مشاكل بينكم..
مريم بدموع 
مش هتحصل مشاكل يا عمي انا هديك العلاج ومش هقوله انك اخدته..
_ وراحت فعلا مريم اديته العلاج وخلته يفطر ونام وراحت جهزت الفطار ليها ولجوزها وطلع ايهاب من اوضته ولما شافها ابتسم وقال..
ايهاب 
والله انا كنت هاجي ارجعك قبل ما اروح الشغل بس انتي ديما سبقاني...
ردت عليه مريم وقالت 
لولا ما عارفه انك بتحبني انا ما كنتش رجعتلك ابدا..
ايهاب 
بحبك بس انتي واياد اغلي اتنين عندي في الدنيا انتو اهلي وعيلتي وكل حاجه ليا.. 
مريم بحزن 
وابوك يا ايهاب هو مش من عيلتك هو كمان..
ايهاب پحده 
يووه مريم لو سمحتي مالكيش دعوه بالموضوع ده اعتبري ان ابويا مش موجود في البيت اصلا..
مريم بضيق
ما