شحااته بأمر حماتي _الاخير
وما تخلينيش اتعصب عليك
وفاء
احم معلش يا عاصم يا ابني هي دبشه كده وحماره حقك عليا انا هي خلاص فاقت وبس هترتاح شويه وتقوم
عاصم
تمام انا خارج اتمشى شويه بعد اذنك يا حماتي
وفاء
ماشي يا حبيبي مع السلامه
بعد خروج عاصم من الشقه وفاء قالت لفريده
في واحده عاقله تقول كده يا غبيه بتفتحي عينه بتقول له لو مش شايفها شوفها
يا ماما انت مش شايفه قلقان عليها ازاي ده انا لما بتعب ما بيقلقش عليا كده
وفاء
تهيؤات انت دماغك بيصور لك ده اسمعي من امك وبلاش تخربي بيتك وتفتحي عن جوزك
انا هروح اشوف البت فاطمه واتكلم معاها يمكن تقول في ايه
فريده
خلاص يا ماما اجي معاكي
وفاء
يبقى ما تتكلميش هتيجي ما تتكلميش
فريده بضيق
ماشي يا ماما حاضر
دخلوا عند فاطمه اللي بټعيط باڼهيار
قولي لي بقى يا حبيبتي في ايه ماما عملت لك حاجه زعلتك في حاجه علشان تقولي لها الكلام ده ما انت كنت الصبح كويسه وما فيكيش حاجه
فاطمه بعياط
انا مش هتكلم سيبيني في حالي بقى لو سمحت يا تيته
فريده بعصبيه
هو احنا هنقعد نتحايل عليك علشان تتكلمي يا بت ما تخلصي ولا انت مسهوكه زي امك
فاطمه
لو سمحتي ما تتكلميش معايا ومش عايزه حد يتكلم معايا واتفضلوا بقى انا مش هتكلم ولا كلمه
طيب يا فاطمه ما تتكلميش بس لما امك تصحى مش هتسيبي الا ما تتكلمي
فاطمه ما ردتش عليهم وهم ما لقوش فايده من وجودهم خرجوا وهم متعصبين
في وقت السحور كانت ناديه لسه نايمه
وفاء بقلق
بت يا فريده ليكون جرى لها حاجه البت لسه مغمي عليها انا بقول نكلم الدكتور يجي يشوفها وخلاص
فريده
براحتك بقى يا ماما عايزه دكتوره اجيب لك دكتور
طب هنجيب دكتور ازاي جوزك يعرف يجيب واحد هو مش من هنا ولا يروح يجيب اي صيدلي ويجي
فريده
يا ماما انا هشوف لك دكتور كويس قريب من هنا وهتصل لك بيه كده كده عاصم مش موجود ومش هكلمه يجي
وفاء
ايوه يعني هتشوفي فين ده انت انت تعرفي دكاتره هنا
فريده بضيق
يا ماما من على التليفون هي التكنولوجيا سايبه حاجه دلوقتي
وفاء
فريده فضلت تدور علي دكتور كويس واتصلت بيه
فريده
خلاص يا ماما نص ساعه وجاي
وفاء بقلق
استر يا رب استر
فريده بضيق
ما تقلقيش يا حبيبتي هتبقى كويسه وزي القرد كمان
شويه والباب خبط
وفاء
تلاقي الدكتور روحي افتحي له
فريده راحت فتحت ولقيت جوزها
فريده بضيق
ايه اللي جابك يا عاصم دلوقتي
عاصم پصدمه
عايزاني امشي يعني ولا ايه يا فريده لو عايزاني امشي امشي واروح اقعد في اي اوتيل
لا ما اقصدش يا عاصم صدقني ادخل وانا اقول لك
وفاء
معلش يا ابني هي ما تقصدش اصل احنا فكرناك الدكتور
عاصم
دكتور لايه هو في حاجه
وفاء
اصل البت ناديه لسه ما فقتش قلنا لازم بقى نتكلم مع الدكتور
عاصم
مش قبل ما امشي قلت لي فاقت كنت بتكذبوا ولا ايه
وفاء
اصل يعني كنا بنطمنك فكرنا شويه وهتفوق
عاصم بعصبيه
ده اهمال في صحه بني ادمه انتم ما عندكوش رحمه سايبينها كل ده مغمى عليها حرام عليكم
وفاء
خلاص بقى يا ابني هو كده كده الدكتور جاي اهو
الباب خبط
عاصم فتح بسرعه وكان الدكتور
فريده بغل
اتفضل يا دكتور معايا وانا هوديك لي
دخلت فريده ووفاء مع الدكتور وعاصم واقف بره
الدكتور بعد ما كشف عليها
من الواضح ان عندها ارهاق شديد وتعب نفسي وانها ما بتاكلش كويس وده ماثر على صحتها وسبب الاغماء
وفاء
طب والعمل دلوقتي يا دكتور هتفوه ولا ايه
الدكتور
لا طبعا هديها حقنه دلوقتي تفوقها بس محتاجه ترتاح شويه وتفصل عن اي قلق ممكن يتعب نفسيتها
وفاء
تمام يا دكتور
دكتور
اتفضلي ده العلاج اللي هتمشي عليه ده مهدئ للاعصاب وانا دلوقتي اديت لها الحقنه وساعه بالكتير وهتفوق وبلاش تصوم بكره
عاصم بهدوء
اتفضلي يا دكتور اتفضل معايا
عاصم اداله بفلوس وصلوا لغايه الباب وفريده بتبص لامها بغيظ
فريده بغيظ
بقى كده بتخلي جوزي هو اللي يدفع انت قصدك تخرجي الدكتور بره قبل ما تحاسبيه
وفاء باستفزاز
وفيها ايه يعني ما هو جوز بنتي ايه يعني اما يدفع شويه انا ست غلبانه يا حبيبتي مش معايا مبلغ زي ده
فريده بتريقه
افضلي حوشي تحت البلاطه يا ماما مش هتاخدي حاجه معاكي
وفاء
انت بتفولي عليا يا بنت ولا ايه
عاصم
هاتي العلاج يا حماتي اما اروح اشتريها
وفاء
خد يا ابني استنى هخش اجيب لك حق الدكتور وحق العلاج تجيبه
عاصم
ايه
