سلفي ورمضان _ الحلقه الاولي

الحلقة الاولى 
بعد ما جوزي راح اخوه 
في البدايه اعرفكم بنفسي أنا اسمي سماح عندي 30 سنه متجوزه وعايشه في بيت عيله
سماح بهدوء 
طب و هنعمل اية يا سيد انت شايف الحال بينا عامل ازاي و الدنيا غالية علينا ومش عارفين نعيش وولادك في المدارس هنعمل اية بقي 
ده غير رمضان اللي قرب
سيد 
بقولك اية يا سماح انا مش ناقص كفاية اللي انا فيه والهم اللي شايفه يا سماح سبيها علي ربنا وهو هيحلها
سماح بهدوء 
نفسي اعرف اخوك بيجيب الفلوس دي منين يا سيد شغله زيك بيجيب هو بقي الفلوس دي منين. ومعيش مراته احسن عيشة وولاده بيلبسه احسن لبس في اية يا سيد هو بيشتغل شغل تاني غير اللي هو فيه

سيد 
لا يا ستي مش بيشتغل بس كل يوم بيروح مشوار ومعرفش بيروح فين
سماح 
اخوك لو كان بيحبك بجد كان وقف جمبك وساعدك وقالك بيجيب الفلوس دي منين
سيد 
خلاص يا وليه سبيني في حالي يجيب فلوس من مطرح ما يجيب يا سماح يلا انا قايم انام بدل ما اتخنق عليكي و ازعلك انهارده
سماح بضيق 
طيب يا خويا ده اللي انت قادر تعمله تتخانق معايا علشان خاطر بدور علي مصلحة لعيالك ماشي يا سيد وبعدها سيد دخل نام وتاني يوم كانت قاعده ماجده ومحمود اخو جوزي
ماجده 
خلاص قربنا نجيب الفيلا اللي احنا عايزنها 
محمود 
يا وليه وطي صوتك انتي عارفه الحيطان ليها ودان مينفعش كلامك ده وبعدين خفي الدهب شويه أمي كل يوم تسالني مراتك غيرت الدهب منين
ماجده 
شوف الوليه مع أن قولت ليها أنه صيني
محمود 
بقولك اي مش عايز حد يحس بحاجه اهدي 
انتي شويه بقي من اللي بتعملي ده وفي الوقت ده الباب خبط وفتح محمود وكان جوزي سيد
سيد 
ازيك يا محمود عامل اية هتجي معايا علي الشغل ولا وراك مشوار رايحه. زي كل يوم
محمود 
لا جاي معاك لا لا جاي معاك يا حبيبي انا كنت 
لسه هنادي عليك يلا بينا يا حبيبي 
وفي الوقت ده نديت علي ماجده بصوت واطي لاحسن حماتي تسمعني
ماجدة 
في اية يا سماح عاملة دوشة ليه كدة علي الصبح
سماح 
اطلعي اقعدي معايا شوية عايزه اتكلم معاكي في حوار
ماجدة 
ايوا يا ختي هفطر العيال وهبقي اعدي عليكي يا سماح
سماح 
ياختي تعالوا افطروا انتي والعيال معانا يلا تعالي
ماجدة 
طيب خلاص طلعالك يا سماح وبعدها طلعت 
ها ياختي اول مرة يعني تبقي مستعجلة علي طلوعي كدة
سماح بضيق 
يا ختي قاعدة زهقانة و مخنوقه يعجبك تقعدي معايا شويه انت والعيال يقعدوا مع ولاد عمهم
وبعدين عايزه اشتكي ليكي من سيد 
مش مكفي طلبات بيته اقول له انزل اشتغل معاكي قولي لا اساعدك يقول لي لا اشتغل شغلانه تانيه يقول لي مش لاقي والمصاريف زادت وعنده عيل في مدارس وهو اللي فيه يتخنق عليا ويقول لي انا هقوم انام بدل ما ازعلك طب ما تشوف حل ما فيش
ماجدة 
مش عارفه اقول لك ايه يا بنت يا سماح بس هو فعلا ما فيش شغل في البلد اليومين دول ما انت عارفه الحال واقف والدنيا صعبه والحاجه غاليه على الكل
سماح بضيق 
حال ايه صعب يا ماجده وانا مش شايفه يا اختي الذهب اللي انت لابساها ولا الاكل اللي حماتي كل يوم بتقول ان جوزك بيجيبه وهو جاي
ماجدة
يا اختي قولي الله اكبر وبعدين من امتى دلوقتي وانت بتسمعي لحماتك ما انت على طول حاطاها فوق راسك
سماح بضيق 
والله ما اقصد يا حبيبتي بس انا شايفه ان العشاء صعبه قوي مش عارفين يعيش يعني فكنت بقول لك لو جوزك يعرف كده طريق ثاني نقدر نجيب منه فلوس يا ريت
ماجدة 
ولا طريق ثاني ولا ثالث يا حبيبتي اخلصي يلا عشان ننزل لحماتك ونشوف طلباتها وبعدها نزلنا
الحما 
بخاف لما بتتجمعوا انتوا الاتنين سوا خير نازلين مع بعض يعني
ماجده 
ده المفروض تكوني فرحانه يا حماتي ان احنا بنحب بعض ودايما متمسكين ببعض
الحما 
بقولك اي يا حلوه منك ليها اخلصي وخشي 
شوفي اللي وراكي وبعدها دخلت وجه حسين اخو حماتي
حسين 
عامله ايه يا نبويه عماله اتصل بيكي مش راضيه تردي عليا ليه
الحما 
علشان عارفه يا حسين انت عايز ايه وانا مش موافقه على الكلام ده مش هتنازل ليك عن الارض
حسين 
الارض كده كده انا هاخدها بمزاجك 
ڠصب عنك وافقي تاخدي الفلوس احسن
نبويه
لما اشوف رجاله البيت