حماتي في رمضان _الثانيه
يا مصطفى ايه يا ابني اللي ماخر الجوازه
مصطفى
يا ست الكل عم حسين لسه بيجهز في ساميه وبعدين احنا ميعاد الفرح قايلين انه هيبقى كمان خمس شهور
ام مصطفى
يا حبيبي بس انت جاهز من مجاميعه هم يحاولوا يسرعوا في التجهيز شويه
مصطفى
يا ماما الله يخليك ما تضغطيش عليها ما تنسيش عم حسين ولا التزمات تانيه كتير وبيحاول على قد ما يقدر يجهز ساميه
يعني هو الجهاز فاضل فيه كتير
مصطفى
ساميه بتقول لي حاجات خفيفه يعني بس محتاجين برده وقت على مقدار يجيبوها رفايع في الجهاز كده
ام مصطفى
طب ما تستغنوا عنها خالص وتعملوا فرحكم عادي على العيد ولو قدر يجيب لها اي حاجه على العيد يبقى خلاص اتحلت ما قدرش يبقى برده خلاص ما لهمش لازمه الرفايع دي
مصطفى بتفكير
ام مصطفى
خلاص ايه رايك اكلمهم لما يجوا على الفطار النهارده ونفتح الموضوع مع بعض ونشوف رايهم
مصطفى بابتسامه
انا خاېف بس يا امي نحرجهم ويتضايقوا مننا
ام مصطفى
لا هيضايقوا ولا حاجه هو احنا يعني بنطلب حاجه صعبه ده احنا حتى بنشيل عنهم بنقول لهم لو الرفايع دي ما لهاش لازمه يبقى اتجوزوه وخلاص
خلاص يا ماما اللي تشوفيه
ام مصطفى
يا واد انا عايزه افرح بيك واشوفك عريس قبل ما اروح
مصطفى
بعد الشړ عنك يا امي ما تقوليش كده ربنا يخليكي ليا وتشوفي ولاد ولادي كمان وتجوزيهم
ام مصطفى
مش عايش قد العمر اللي عيشته يا ابني دي سنه الحياه
مصطفى
ربنا يخليك ليا يا ست الكل وما يحرمني منك ابدا
ام مصطفى
ويخليك يا حبيبي يلا روحي انت بقى ارتاح لك شويه على ما لما يجوا اكون خلصت الاكل والحاجات اللي بعمله
حاضر ياما سبت لك المطبخ وخرجت اهو وفي بيت ساره اختي الباب خبط وفتحت وكان عماد
ساره بابتسامه
حمد لله على السلامه يا عماد اتفضل
الحمد لله ما قلتليش يعني انك جاي
عماد
قلت اخليها لك مفاجاه يا ستي امال فين كرم مش شايفه يعني
ساره
كرم يا سيدي بيلعب بالصواريخ اللي جابها مع العيال تحت
عماد
طيب هاتي واحشني الواد عايز اشوفه كده واسلم عليه
حاضر يا عماد انت قلت لمامتك انك جيت
عماد
طبعا يا بنتي انا معدي عليهم اصلا قبل ما اجي لك
ساره بتريقه
ويا ترى ادت لهم كام المره دي نص المرتب ولا كله
عماد بضيق
بقول لك ايه يا ساره انا لسه طالع مش فايق لك وبعدين انت مالك انت مديهم اللي اديهلهم انت هتحاسبيني
ساره بعصبيه
ايوه حاسك لما يبقى اللي انت بتعمله ده هيجي على بيتي ويخربه انت مش حاسس بالغلا اللي احنا فيه انت بتروح تدي لاهلك الفلوس وبتيجي هنا في بيتك مش بتلاقي اللقمه
يوه انت لازم كل اما اجي تقرفيني كده انا حر حر فلوسي وانا حر فيها اديها لامي اديها لاختي اۏلع فيها ما لكيش فيه
ساره بعصبيه
الكلام ده يا حبيبي لو مش ماثر على بيتي وابني تديهم لو انت مليونير ومعاك بدل الالف مليون تديهم زي ما انت عايز لو مكفي بيتي انا مش هتكلم لكن ما تبقاش مش مكفي بيتك وتروح كمان تدي لامك واختك المتجوزين ابوك معاه يصرف على امك واختك متجوزه وجوزها يصرف عليها
عماد
ما تخلينيش اتعصب عليك يا ساره واسيب لك البيت ما تشوفيش وش للسنه الجايه وريني بقى هتصرفي على البيت ازاي
ساره بعصبيه
انت بتهددني يا عماد ولا ايه نظامك انت اهلك عامله لك غسيل مخ مهما افهم فيك مش بتفهم
عماد بعصبيه
حاسبي على كلامك يا ساره اديني بقولها لك لاخر مره
ساره بعصبيه
ماشي يا عماد
