احببت بلط.جي٢_بقلم الكاتبه رحاب القاضي

ردت نور _
نعم ي خالد؟..

خالد_
انتي لي بتعملي فيا كده؟..

اتوترت نور_
عملت فيك اي انا معملتش حاجه..

نزلت دموعه وسألها _
انتي شايفه انك مبتعمليش فيا حاجه ي نور؟..

ادايقت لما حست بالحزن فصوته وردت عليه _
لو سمحت ي خالد انا عايزه انام..

خالد_
ياريتني اقدر انام زيك من غير مبقي خايف انك ممكن فيوم تدوسي ع قلبي وتسبيني..

اتملت عنيها دموع وقالتله _
تصبح ع خير ي خالد..

_قفلت الموبيل فوشه فرمي هو الموبيل جنبه وهو مدايق من احساسه انها مش بتحبه وفنفس الوقت هو مش قادر يسيبها..

_بعد كام يوم طلع خالد العماره اللي ساكنه فيها نور بس راح وخبط ع الشقه اللي قصادهم وفتحتله وحده حلوه اووي..

خالد _
نعم ي ست صباح بعتالي اكتر من حد بتقولي عايزاني فحاجه مهمه..

صباح _
طيب ادخل جوه هنتكلم ع الباب..

اتنهد خالد _
ي ست انا جيت بس عشان المرحوم عادل كان صاحبي وعامله اعتبار وعملتلك قيمه وجيت..

صباح _
وانا عنخلت اي انا عايزاك فحاجه مهمه بس جوه، ومتخفش الست الدكتوره بتاعتك مش هتشوفك..

خالد _
تصدقي انا غلطان اني جيت..

_جه بمشي فشدته هي جامد وقرب هو منها من غير ميقصد وفنفس الوقت ده طلعت نورمن بيتهم وهي رايحه الجامعه واول مشافت المنظر اتعصبت وبصتلهم بقرف ونزلت بسرعه، فبعد خالد بسرعه عن صباح ونزل وراها..

خالد _
ي نور استني والله انتي فاهمه غلط..

وقفت نور وهي متعصبه وقالتله _
لا انا فاهمه كل حاجه كويس ومستغربتش ده المتوقع من واحد زيك..

خالد _
زيي ازاي ان شاء الله؟..

نور_
واحد بتاع مشاكل وكل يوم خنااقه ودلوقتي واقف مع اكتر وحده مش كويسه فالحاره...

اتنهد خالد _
انا لو بتخانق فبعمل كده عشان امنع مصيبه ممكن. تحصل واحل مشاكل، انما اللي انتي شوفتيه دلوقتي ورحمة امي فهمتي غلط و..

نور_
من غير متكمل انت حر انا مليش دعوه وميهمنيش..

خالد _
طيب افهمي ا..

قاطعته وزعقت فيه _

اتملت عينيه بالدموع ورد عليها _
يعني مش فارق حتي لو طلعتلها دلوقتي..

افتكرته بيهددها ومش هيعمل كده فردت عليه ببرود _
ايوه طبعا عادي..

خالد _
ماشي ي نور..

_سابها خالد وطلع وخبط ع شقة صباح واول مفتحت دخل وهو بيبص لنور بتحدي وقفل الباب، وكانت هي مص.دومه هو راح للست دي فعلا..

نزلت الشارع وهي هتجنن من فكرة انه مع الست دي لوحدهم، وقابلت علا اللي كانت جيالها و...