احببت بلط.جي٢_بقلم الكاتبه رحاب القاضي

خالد _
ومقولتليش لي، افتحي موبيلك شوفي كلمتك كام مره وانتي مش بتردي ومعرفش انتي فين وكنت قلقان عليكي وفالاخر لما اتعصب عليكي تيجي وتبكي..

مسحت دموعها _
الموبيل كان صامت عشان كنت فالمحاضره ونسيت اعليه لما طلعت، وانا مش صغيره عشان تقلق كده عليا..

قرب منها وقال بهدوء _
انا مش ببقي مطمن غير وانتي جنبي او فبيتكم وطول مانتي بره ببقي قلقان ومش برتاح غير لما اشوفك راجعه..

اتوترت من كلامه وهدوءه واتكسفت غصب عنها وهي تبتص للارض، وقبل ميتكلم خالد تاني..

دخل يوسف وقاله _
خالد ابويا عايزك ضروري..

بعد خالد عنها شويه وقاله _

قال لنور _
اطلعي يلاا فوق..

نور _
انا كنت طالعه ع فكره وانت اللي وقفتني..

ضحك ع طريقتها هو ويوسف وهي طلعت بيتهم وهو راح لباباه عشان يشوف شغله..

_كانت نور قاعده مع باباها فاوضته وهي بتتكلم معاه بعد مخد الدوا..

احمد _
مالك ي نور زعلانه لي؟..

نور _
هيكون لي ي بابا هو في غيره بيزعلني..

احمد_
والله خالد بيحبك افهميه انتي بس وهترتاحو..

نور _
مش عايزه افهمه ومش عايزه اتجوزو..

احمد _
بصي ي نور الجواز ده نصيب البني ادم يبنتي بيفضل يقول عايز وعايز وعايز ومش بياخد غير اللي ربنا كاتبه ليه وديما بيكون اللي كاتبه ربنا خير، فلما تيجي تدعي قولي يارب قدملي الخير وربنا كبير قادر يغير القلوب..

دخلت ام نور _
بدل مقاعده كده ومش بتذاكري تعالي ساعديني فالمطبخ ولا عايزه  نعمه مرات الحج حامد تقول عليكي ست بيت خايبه..

نور _
مين قالك اني هتجوز عند. نعمه ولا هتجوز فالحاره دي اصلا..

ام نور _
هو خالد قالك انه هيجيباك شقه بره الحاره..

نور _
مين قالك برضو اني هتجوز خالد اصلا ً..

ام نور _
يبقي بتحلمي عشان لو السما اطبقت ع الارض مش هجوزك غير لخالد..

نور _
انتي لي بتعملي فيا كده انا بنتك والله..

ام نور _
وانا عملت اي ي بت، ده انا هخليكي تتجوزي راجل جدع والحته كلها بتحبه، راجل وبيحبك بس انتي اللي خايبه..

نور _
بابا متاكد انها امي مش مرات ابويا..

ضحك احمد _
مش متاكد يبنتي اساليها هي ادري..

ام نور _
بقي كده طيب مش مجهزه الاكل خلي بنتك حبيبتك تجهزلك..

احمد _
كده ي بت ي نور وقعتي بينا..