زهرة الخيال١_بقلم رحاب القاضي _

زهرة الخيال١.. 
ــــــــــــــــــــــــــــــــــــــــــــــــــــــــــ
_ صحيت امينه من نومها وهي حاسه بالم فجسمها جامد اووي،بصت حواليها لقيت نفسها فمكان غريب كله اشجار طويله اووي وشكلها حلو جدا وكمان الود هما كبير والوانه حلوه وبتلمع..

شهقت بخوف ورعـ ـب لما شافت قدامها كائن شبه البشر بس بملامح مخـ ـيفه وليه رأسين ورأس تانيه باينه من نص دراعه صغيره جدا،بص ليهاا الكاين ده بعصبيه..

صرخت امينه وهي بتقوم_
:اعوذ بالله من الشيطان الرجيم، قل اعوذ برب الفلق وحوي ي حوي رمضان جانا انصرف..

نطقت الرأس الصغيره اللي بتظهر من زراع الرجل بصوت بنت ناعم_

خافت امينه وقالت بدموع_
: اومال انتو مين وانا اي اللي جابني هناا؟..

نطقت  المره دي الرأس الكبيره اللي فالنص بصوت تخين_
: انتي اي اللي جابك ارض الملك سايفور متعرفيش ان مستحيل حد يدخلها غيره هو ووالدته الملكه سيفوره..

امينه بخوف  ودموع_
: معرفش مين السمك اللي بتتكلم عنهم دول بس ااا انا كنت جايه الغابه هنا اصطاد حشرات نادرة الوجود عشان الشركه الزفت اللي شغاله فيها، لقيت ورده كبيره جدا لونها اسود جيت المسها وو... و.. مش فاكره حاجه تاني..

بصو الرؤس التلاته لبعض،وبعدين قالت اكبر وحده فيهم_
: انتي بشريه جايه من الارض؟..

امينه بخوف حتي انها بدات تتنفض_
: ارض اي هو انا فين؟..

_ قرب منها وهي خاولت تجري بس مسكها ومن خوفها اغمي عليها فشالها الكاين ده ومشي...

ـــــــــــــــــــــــ

_فاقت امينه مره تانيه وشافت الكائن ده قدامها فصوتت جامد...
امينه_
: ي جماعه مش كده والله لو طلع ده مقلب رامز جلال او محمد ثروت والله لكون سجناكم..

اتفزعت لما حد اتكلم وراها وقال_
: انتي مين؟..

_بصت امينه وراها بسرعه ولقيت راجل يجي عنده خمسين سنه بس شكله حلو اووي،لابس هدوم شكلها حلو اووي وبتلمع بشكل غريب...