اشباح في منطقه شعبيه١ _بقلم رحاب القاضي_

في بوقي تاني، بس لو انت عنلت كده تاني هطلعك بره البيت... عمرو _حاضر يا بابا متزعلش وانا اوعدك

والله هركز في المذاكره ومش هعمل كده تاني... _وقف زع زع قدامهم ومسح دموعه وهو مبسوط انه صالحهم، وبعدين سمع صوت شامخ اخووه بينادي عليه بعصبيه، فمشي بسرعه وراح لاخوه اللي اول ما شافه مسكه من

هدومه بغضب وقال.. شامخ _هو انت عفريت ولا مصلح اجتماعي... زع زع بضيق _مش عارف ابقي شرير طيب حاولت والله... سابه شامخ وساله بنفاد صبر وقاله _اممم وحاولت ازاي احكيلي... رد عليه زع زع _معتز وياسمين كانو هيتجوزو عرفي بوظتلهم الجوازه... شامخ بضيق _ااامممم مانا عارف انا بعد ما ماليت دماغ معتز عشان يتجوزها عرفي وياخدو ذنوب واعلهم يعرفو الدنيا تتقلب جيت انت وبوظت الدنيا... زع زع بقلق _مكنتش اقصد

طيب حقك عليا، انا قولت ابوظله الخطه... شامخ بهدوء _يا زع زع يا حبيبي بوظ الخطط اللي تبقي خير انما تبوظ الشر ليه... زع زع بحزن _طيب مانا كنت عايز اوقع بين عادل وعمرو.. شامخ بغيظ _لا يا عفريت انت فاكرني عبيط، ده انت خليت عادي يبطل سجاير ويحب ابنه، انت عايز مننا ايه بجد.. زع زع _طيب كنت عايز سعاد تتخانق

مع جوزها وتطلق... شامخ _لا سعاد دي سيبك منها محدش بيقدر عليها دي ممكن توقع بينا احنا ذات نفسنا... زع زع _طيب مش هتقول لابونا الملك صح؟.. شامخ _قدامك لحد بكره زي دلوقتي انت فاهم تكون علي الاقل عملت مشكله بين اتنين... زع زع _حاضر هحاول... ــــــــــــــــــــــــــــــــــــــــ _ نزل زع زع الحاره تاني وبص علي البيوت كانت الحاره كلها نايمه، شاف نور ولع في بيت فراح هناك ولقي ست كبيره بتتوضي، وفجأه المايه قطعت... راح لها زع زت ووسوس ليها وقال _اهي المايه قطعت روحي نايمي تحت بطنيتك وشويه وقومي تكون المايه جات... _دخلت الست اوضتها بس مقدرتش تنام وقعدت علي حيلها وفضلت تبكي وتقول بحزن... الست _انا مش هعرف انام غير لما اصلي القيام.. صعبت علي زع زع وخصوصا لما لاقاها قامت وقعدت قدام حتفية المايه مستنياها تيحي، فنزل وفتح لها المايه وقال لنفسه... زع زع _دي ست كبيره ميصحش ازعلها، هشوف خد غيرها... _لقي راجل وقف في البلكونه وماسك موبيله طلعله ولاقاه بيتفرج علي حاجات مش كويسه، فراح قرب من مرات الراجل ده وخبط حاجه في الاوضه وخلاها صحيت وبعدين قرب منها ووسوس ليها وقال.. زع زع _روحي شوفي جوزك بيعمل ايه في البلكونه وهو ماسك موبيله... الزوجه _؟؟ _يتبع...