روابط منكسره كااااامله

تاني الصوت
لكن هو مش مصدق بدء يبحث في كل مكان في الغرفه وفي الدولاب وماسابش مكان في الغرفه وتحت السرير كمان لكن كل مره الصوت بيزيد
وهو الاستغراب يظهر عليه اكتر يلا ابحثي معايا علي مصدر الصوت دا جاي منين بدءت ابحث معاه لحد مالقيته وقف مره واحده ومااتحركش
اتكلمت بخوووف وقولت مش لاقيه حاجه لكن كإنه مش سامعني 
اتكلمت تاني بردوا واقف ومش بيتحرك وجهت نظري في الاتجاه اللي هو مركز عليه
شوفت حاجه رعبتني وماقدرتش اتحرك ثعبان ايوه ثعبان حجمه مش صغير كان بين السرير والحيط رؤوف بص ليا بخوووف
وانا كمان بصيت ليه بمعني ان مش قادره اتحرك من الخضه لقيته فجأه بدء يتحرك بهدوء وسابني وجري علي باب الشقه وخرج وقفل الباب عليا وسابني لوحدي
بدء صوت الثعبااان يقرب وانا مش عارفه افتح الباب لحد ما الثعبان خرج من الغرفه وطلع الصالون اللي انا واقفه فيه
بقلمي أيات الرحمن رواياترؤوف جري وسابني لوحدي وقفل الباب عليا الثعبان خرج من الغرفه وطلع الصالون اللي انا واقفه فيه من شكله كنت واقفه مش عارفه اتحرك من مكاني ثعبان مش صغير كبير
روابط_منكسره 3
العرق بدء يتصبب من جبيني وبدءت بالرعشه خلاص بيقرب بدءت امشي بكل هدوء وحذر لحد ما بعدت عن الصالون خالص دخلت غرفه اضافيه في الشقه
دخلتها وقفلت علي نفسي وطلعت وقفت علي السرير وببكي علي حالي رؤوف مشي وسابني ما فكرش اي اللي هيحصل ليا او الثعبان دا ممكن يعمل فيا اي
ساعه من الررررعب مريت عليا وانا لوحدي مش عارفه اتصرف ولا اصرررخ خااايفه حتي اطلع صوتي ييجي عندي بعد ساعه لقيت الباب بيتفتح بحذر كدا
انا مش عارفه انزل خاېفه يكون دخل من تحت الباب سمعت حد بيردد كلمات كتير وبعدها بكام دقيقه سمعت صوت رؤوف وهو بيقول اهو
الشخص اللي كان بيردد الكلام دا صوته علي خالص وبعد شويه هدي وقال ان شاء الله البيت ما بقاش فيه حاجه
رؤوف يعني متأكد
ايوه متأكد 
والد رؤوف خلاص خد حسابك اهو وبجد متشكرين علي تعبك معانا
ولا تعب ولا حاجة ومشي
رؤوف بإرتياح اوووف الحمد لله ان هو اخده بس اللي هيجنني ازاي دخل هنا واحنا في الدور العاشر يعني ساب كل العماره وجه عندي
دا اكيد في حد حطه ليا
بس مين بقي دا لازم اعرفه
ان شاء الله هنعرف مين عمل كدا المهم فين زوجتك راحت عند اهلها ولا اي
مش عارف يابابا انا سيبتها وجريت
سيبتهل واي يا اخويا 
جريت يا بابا يعني كنت اسيبه يقت...لني يعني
لا سيبه يقت...ل زوجتك عشان الكل يقول ان مفيش عندك رجوله عادي ماانت اتسلبت منها لما فبركت الصور وظلمت البنت دي للمره الثانيه
لما جريت وسيبتها والظلمه الاكبر ان للاسف مضطره تعيش مع واحد مش قادر يحميها هو شهر واحد اللي هتعيشه معاك بس للاسف ربنا يسترها عليها وتقدر تكمله مع واحد مهمل زيك
وبدء يخبط علي الابواب اللي في الشقه ويفتح الغرف لحد ما جه للغرفه اللي انا كنت فيها
افتحي ياسيرين وماتخافيش الثعبان مش موجود اخرجي
نزلت من علي السرير بسرعه وفتحت الباب
والد رؤوف انتي كويسه في حاجه فيكي
بصيت ليه بدموع ولرؤوف بخزلان وقولت 
انا عايزه اروح لاهلي مش هقدر افضل هنا معاه ارجوك ولو مااتقبلونيش قبل الشهر هعيش الشهر دا في الشارع ولا اعيشه مع واحد غدر بيا مع اول موقف صعب قابلنا
في بداية حياتنا
لا يا سيرين انتي مش هتمشي انتي عندك حق في كل كلمه قولتيها انا لما عرفت بموضوع الثعبان اللي في شقتكم جيت وانا مفكر اخدكم معايا لان دا مش صدفه
دا بفعل فاعل واللي عمل كدا قادر يعمل اكتر واكبر واخطر من كدا
يلا بدلي لبسك وجهزوا شنطكم ويلا عشان ترجعوا معايا
لا انا مش هروح معاكم انا لازم امشي
ياسيرين دا شهر واحد بس هتعيشيه مع رؤوف لو رجعتي لاهلك دلوقتي
هتكون كاررررثه واهلك مش هيقدروا يرفعوا عيونهم في الناس هو شهر وبعدها اوعدك انا اللي هاخدك لبيت اهلك
وبعد محاولات كتيره من والد رؤوف دخلت وجهزت شنطتي وانا متجاهله رؤوف خالص ونزلنا واتوجهنا لبيت اهله بالعربيه
والدته اول ماشافتنا جريت علي رؤوف تتفحصه اذا كان فيه حاجه ولا لا اكيد