رواية اخويا _كاااااامله
كدا
ودخل نام وساب امه في الصالون مع مراته
نبيلة
هاعمل ايه دلوقتي ياربي
ام طارق
ياريتك ماسافرت يا طارق
وركبت امي عند شقتي ولما دخلت قالتلها هدي
عملتي ايه مع عمر اقتنع انه مايعملش القرف دا لبناته
ام طارق بقلق وزعل
لا
وقالت لنفسها
اقولها ازاي انه عايز يعمل لبنتها العمليه دي
هدي
مالك ياماما بتقولي حاجة
لا دا عمر واللي ناوي يعمله وانه مش راضي يسمع كلام اي حد
هدي
هو كدا فاكر انه بيحافظ علي بنته ميعرفش انه بيقطع من جسمها من غير سبب وبيدمرها فجوازها والحمل والخلفة
وغير العقد النفسية اللي يسببها الخټان للبنات
ام طارق
عمر طول عمر عصبي واللي في دماغه هيعمله ومابيسمعش رأي حد
هدي
خلاص ادخلي ارتاحي دلوقتي ومن لبكره يعدلها ربنا
فعلا من لبكرة يغير الحال ربنا
ودخلت نامت هدي واولادها في وقال لنفسها ربنا يخلي باباكي يا يسرا نعم الاب
ومن ناحية تانية امي كانت خاېفة من اللي هتعمله هدي لو عرفت اللي ناوي عليه عمر وتاني يوم نزلت امي تاني لعمر وقالت
ام طارق
راجع نفسك في اللي انت ناوي تعمله
عمر
ام طارق
خلاص مالكش دعوة ببنت اخوك لما يجي ابوها هو حر
عمر
لما يجي ابوها هدي مراته هتسيطر عليه ومش هتخليه يعملها
ام طارق
خلاص يبقي هما احرار براحتهم
عمر
قولتلك بنت اخويا زي بنتي انا بحافظ عليها
ومش عايز اسمع كلام تانى في الموضوع ده ويوم الاحد اللي جاي معاد العمليه
يعني بعد خمس ايام
وخرجت من عندع وطلعت علي شقة طارق ونادت علي هدي
ام طارق
هدي تعالي عايزكي
هدي
خير ياماما في حاجة
ام طارق
براحة وبهدوء عمر عايز يعمل ختان لبنتك يسرا مع بناته
هدي بعصبية وزعل
هو حر في بناته بنتي ليها ابوها ولو قرب من يسرا مش هيحصل كويس
ام طارق
انا بقولك اهدي دلوقتي مش نفكر بالعقل
هدي
هو ابنك دا خلي فيا عقل
ام طارق
انزلي هاتي كارت مكالمات دولي نكلم طارق
وفعلا غيرت هدي هدومها ونزلت عشان تجيب كارت وهي راجعة قابلة عمر عالسلم
وقالها
عمر
ازيك يا مرات اخويا عايزى حاجة
ماردتش عليه هدي وركبت عالطول
وفهم عمر ان امه قالتلها وركب وراها من غير ماتحس واتصلت هدي بجوزها
الو طارق انت سامعني
طارق
ايوة سامعك عاملين ايه وحشتيني اوى
هدي
لازم ترجع ياطارق بسرعة
طارق
في ايه ياهدي حد حصله حاجة
هدي
الحق يسرا اخوك عايز يعمل في بنتك.
وقبل ماتكمل كلامها مسك التليفون منها عمر وقالها
عمر
انتي كدا هتمنعيني يسرا هعملها العملية
هدي
يسرا ضعيفة وعندها انيما شديدة ومناعتها ضعيفة ومش هتستحمل العملية دي ارجوك بلاش بنتي هاتروح فيها
عمر
انا مش فاضي لكلام الحريم دا والتليفون دا مش هتمسكيه تاني
ام طارق
بلاش بنت اخوك البنت ضعيفة ومناعتها زي الزفت البنت تخصلها حاجة حرام عليك
سابهم عمر واخد التليفون ونزل وهدي قالت
هاخد بنت وهامشي من هنا
ام طارق
استني هتمشي علي فين اهلك في اخر الدنيا من ساعة اهلك مارجعوا البلد وبعدين اكيد طارق هيرجع لما سمعك بتقوليله كدا.
اما انا كنت هتجنن مش عارف حاجةواخويا عمر ناوي علي ايه مع يسرا ما عرفتش اعمل حاجة غير اني اسيب الشغل والدنيا كلها وارجع لبيتي وعيالي اللي مش عارف فيهم ايه ورحت عشان احجز وارجع ملقيتش تزاكر غير بعد يومين وفضلت مستني علي ڼار مش عارف ايه اللي بيحصل وكنت هتجنن وبلعن اليوم اللي سافرت فيه والغريبة ان محدش بيرد عليا لا مراتي ولا حتي اخويا وعمر قدم معاد العملية من غير مايعرف ان اليوم اللي هيرجع فيه هو يوم العملية وكانت هدي عايشة في عڈاب وامي قالتلها
الام
ماتخافيش ان شاء الله ربنا يسترها من عنده
هدي
ملناش غير ربنا دلوقتي اعمل ايه ياربي دا
