اخويا ډفني حيه والسبب؟ _الحلقه الاولي

املاك ابوكي محمود مالوش ورث فيهم..
محمود بعصبيه 
بس انا اطحنت معاكي في الشغل وكل حاجه كانت بتدخلك جينيه انا خليتها تدخلك عشره وجايه دلوقتي تقوليلي ما لكش حاجه..
سعاد بدموع 
انا ما قولتش كده بالعكس انا والمحامي واهو اساله حاسبين كل قرش زاد من لما انت مسكت معايا الشركه وكنت بتاحد مرتب وعربيه وفلوس ما تحلمش بيها وبرضو حقك محفوظ والزياده دي هتتقسم بينك وبين اختك بشرع ربنا هي التلت وانت التلتين..
محمود ضحك بسخريه وقال
ههههه لا بجد برافو عليكي اووي كمان حتي حقي هتخليها تقاسمني فيه كل ده عشان كنتي پتكرهي ابويا وبتحبي ابوها هي يا سعاد هانم..
قعدت سعاد بتعب وقالت بعصبيه 
اخرس قطع لسانك انا بدي كل واحد فيكم حقه ولو كان العكس كنت هعمل كده وانت اللي اخدته مش قليل وفوق حقك وبرضو لسه هتاخد تاني..
محمود پحده 
وانا مش هسكت علي اللي انتي عايزه تعمليه ده ولو ما اخدتش حقي اللي هو اكتر من النص في كل حاجه انا هرفع عليكي قضية حجر والقانون والشرع في صفي...
امل پحده 
انت اټجننت وقته الكلام ده ماما تعبانه احترم نفسك شويه..
زقها محمود وقال بعصبيه
يا شيخه اوعي من قدامي انتي كمان جاتكم القرف..
طلع محمود وسعاد قالت للمحامي
انت تنفذ يا استاذ اللي سمعته..
المحامي 
حاضر يا هانم بكره هبدأ في الاجراءات و..
زعقت فيه سعاد بتعب وقالت
بكره ايه انت هتبدأ من دلوقتي فاهم ولا لا..
امل پخوف 
هيعملك كل اللي انتي عايزاه بس ارجوكي ارتاحي يا ماما انا محتجالك معايا بلاش تتعبي نفسك كده او سمحتي..
وفي بيت حامد البواب دخلت ساره ولقيت مرات ابوها قاعده قدام التلفزيون..
فتحيه 
انتي ايه اللي جابك مش قولتي هتباتي عند وحده صاحبتك..
ساره 
ارتاحي يا مرات ابويا انا مش هاكل من الفراخ اللي عملاها انا هاجي انام والصبح هروح علي شغلي..
طلع حامد من الحمام وقال
انتي جيتي طيب كويس فتحي ابن عمك كلمني عليكي وعايز يجي يخطبك..
خاڤت ساره وقالت
لا يا بابا انا مش بفكر في الموضوع ده دلوقتي..
فتحيه پحده 
اومال بتفكري في ايه يا بت ده انتي اللي قدك معاها عيل واتنين..
ساره بدموع
اللي