اخد جهازي وباعه قبل فرحي بشهر1 _بقلم رحاب القاضي_

اتفضل ي بابا كويسين دول..

صادق بحده ـ
غوري شوفي اللي وراكي جاتك الهم، وابقي وانتي جايه هاتيلنا سمك نفسي ريحاله....

_مشيت زينب ودموعها مش مبطله تنزل من عيونها ع حالها وحال اهلها، اتمنت فاللحظه دي ان يكون ليها اب غيره يشيل مسؤليتها ومش تشيل هي مسؤليته وهو كويس وزي الفل ومفهوش حاجه...

ــــــــــــــــــــــــــــــــــــــــ 

_بعد كام يوم كان جاي حسام خطيب زينب بالليل، وكانت زينب بتكلم احمد اخوها بتقنعه يجي يقابل حسام مع باباهم...

زينب ـ
عشان خاطري ي احمد انت عارف ابوك ممكن يخربلي الدنيا...

احمد بغيظ ـ
انتي عارف ي زينب ان انا وبابا مش بنتفق مع بعض ولو جيت هتخرب اكتر...

زينب ـ
لا محصلش بالعكس بابا بيخاف منك تزعقله قدام الناس فلما هيلاقيك مش هيعمل حاجه تخربلي جوازتي...

احمد بحزن ـ

مكنش نفسي ازعقله ولا اتخانق معاه عشان ميتردش فيا من بنتي، بس هو اللي اجبرني اعامله كده...

زينب بدموع _
معلش ي احمد ربنا يهديه يارب، المهم النهارده الساعه سبعه تكون فالبيت.....

احمد _
من عينيا ي زينب هو انا عندي اغلي منك..

ــــــــــــــــــــــــــــــــــــــــ

_وبالليل جه حسام وقعد مع صادق وكان لسه احمد مجااش، وزينب فالمطبخ بتعمل شاي وسامعه كلامهم وزعلت جدا لما صادق قال لحساام..

صادق _
نورتنا ي... قولي كده انت اسمك كان اي؟..

اتنهد حسام ورد عليه _
حسام ي عمي، هو انت نسيت اسم خطيب بنتك؟..

صادق بسخر .يه _
مش لما افتكر اسم بنتي الاول ههههه..

قرب منه صادق وقال _

اي اللي عاجبك فيها دي، هي مش بنتي بس انا بقولك خلقتها تسد النفس ده انا بشوف البنات فالشارع انما اي حاجه اخر دلع..

_ادايق حسام منه، ازاي في اب يقول ع بنته كده، وزينب مش وحشه دي

 جميله جدا وطيبه ومحترمه، طلعت زينب من المطبخ ودموعها نازله، فوقف حسام وقال...

حسام وهو بيبصلها بحب _
ولا كل بنات العالم يجو حاجه جنب جمال وطيبة زينب ي عمي...

يتبع...