بسبب جوزي وحماتي عملت في بنتي

في البلد ما فيش دكاتره اصلا اكشف عندها وانتو مش بتخلوني اروح اكشف بره البلد ده انا ولدت البنات بالدايه...
يحيي پحده 
علي العموم هي كلمه يا سماء لو جيبتيلي البت الخامسه هرميكي في الشارع انتي وبناتك وهجيب واحده تجيبلي ولد....
عيطت سماء وقالت
وانا مالي طيب يا يحيي حرام عليك والله..
يحيي 
اللي عندي قولته يا سماء...
قال كلامه ودخل اوضته وسماء فضلت خاېفه جدا تجيب بنت وتترمي بيها وباخواتها في الشارع وفضل تقلها يصورلها حاجات مش كويسه... وتاني يوم في شقة فايزه..
يحيي
اومال فين ابويا انا عايز اسلم عليه قبل ما يمشي..
فايزه 
ابوك نزل شغله وبعدين انت مش مهاجر قولي بقي انت قولت لمراتك زي ما قولتلك..
يحيي بضيق 
ايوه قولتلها ومن امبارح عماله ټعيط انا مش فاهم ايه لازمته..
فايزه 
لاا ليه لازمه عشان لو جابت بنت وانا جيت اجوزك تحمد ربنا انها جات علي انك تتجوز عليها ومش هتترمي في الشارع..
يحيي
وانتي مين قالك اني هتجوز علي مراتي ولا هرميها في الشارع انا روحي في سماء يا ماما وعمري ما هسيبها..
فايزه 
انت حر خليها تشوف نفسها عليك وتسيبك ما هي مش بتحبك وانا وانت عارفين كده..
يحيي
انا ماشي يا امي بعد اذنك..
قال كلامه ومشي وبعد كام يوم سماء ولدت وطلعت الدايه من اوضتها وقالت لفوزي وفايزه..
الدايه 
الف مبروك يا حج فوزي جاتلك بنت زي القمر صوره من امها...
فوزي 
الحمد لله اللي يجيبه ربنا خير..
قامت فايزه ودخلت عند سماء وقالت
جيبتي بت خامسه يا سماء استني بقي لما يجي جوزك وهتترمي بيهم في الشارع ونخلص منكم..
سماء پخوف عيطت وقالت
لا والنبي يا مرات عمي هروح بيهم فين بس بيهم والله انا ماليا ذنب في حاجه..
فايزه 
اديني قولتلك اللي فيها اجهزي بقي يا حلوه..
قالت كلامها وطلعت وسابت سما ټعيط وبصت لبنتها اللي لسه مولده جنبيها وقالت پخوف..
سماء
انتي السبب انتي اللي هتخليني انا وانتي واخواتك نترمي في الشارع والله اعلم ايه اللي هيحصل فينا..
وشالت البنت وحطتها علي رجلها ولفت ايدها علي رقبتها وعملت... وبعد كام يوم رجع يحيي وكان مدايق جدا وقال..
يحيي 
خلاص يا سماء ربنا هو اللي جابها وهو اللي خدها..
فايزه 
الحمد لله اهو ربنا اداكي فرصه لما خد بنتك انك المره الجايه تجيبي ولد...
عيطت سماء اكتر ويحيي قال
لو سمحتي يا ماما بلاش الكلام ده دلوقتي..
فايزه 
هو انا قولت حاجه المهم روح اطمن علي حنين بنتك تعباانه من يوم ما اختها افتكرها ربنا..
قام يحيي من جنب سماء وقال
انا هروح اطمن علي حنين وجاي عندك تاني يا سماء..
فايزه 
بطل يا اخويا الحنيه دي وروح شوف بنتك..
طلع يحيي وراح لبنته اللي كانت نايمه وقالها..
يحيي
عامله ايه يا حبيبت بابا ايه اللي تاعبك..
حنين پبكاء
بابا انا خاېفه من ماما لتعمل فيا زي اللي اللي عملته في اختي..
يحيي 
وهي عملت ايه في اختك بس.
حنين 
خنقتها قدامي انا شوفتها بس هي ما تعرفش اني شوفتها..
قام يحيي بسرعه وراح لسماء وقال بدموع 
ايه اللي عملتيه ده بنتك فين يا سماء خنقتي بنتك يا سمااء..
سما پبكاء 
صوتها في وداني انتو السبب بنتي صوتها بټعيط انا هروحلها انا هروح اجيبها واقعد في الشارع اقعد في الشارع المهم بنتي ترجعلي..
يحيي بحزن 
انا اسف والله ما كنت هعمل حاجه زي كده انا بس كنت خاېف تسبيني..
سماء 
ابعد عني انتو اللي عملتو فيا كده انتو اللي وصلتوني لكده بنتي انا عايزه بنتي انا عااايزه اروح لبنتي انا مش هسيبها لوحدها..
الدكتوره سلوي
وسماء فضلت تجري في الشارع وراحت لقبر بنتها وكانو بيرجعوها بس كانت بتسمع صوت بنتها بټعيط وكانت بتروحلها وهي بتجري في الشارع لحد ما عقلها راح وبقيت عايشه وكانها في دنيا تانيه..
وفجاه باب أوضة سلوي خبط ودخل يحيي جوز سماء. والدكتور سلوي قالت..
سلوي
تعالي يا يحيي انا هسيبك تتكلم معاها شويه زي كل يوم..
يحيي 
هو ما فيش اي تحسن في حالتها..
سلوي
ربنا يشفيها من عنده المهم انت تخلي بالك منها وتحاول تصلح اللي عملته زمان..
يحيي
انا عملت كده عشان بحبها انا كنت خاېف تسيبني..
سلوي 
لو بتحبها كنت اشتريت سعادتها حتي لو كانت مع غيرك انما انت اناني بصيت لنفسك بس وانت وامك ډمرتوها.. وعلي فكره اللي محتاج يتعالج دلوقتي اكتر من سماء امك وعمتك وبنت عمتك دول مرضي نافسين وحيوانات والله حتي الحيوانات عندها رحمه وبتفهم عنهم

يحيي 

قرب من سماء وقال
وحشتيني اووي يا سماء البنات مستنينك ترجعي تاني...
ما ردتش عليه سماء وكانت باصه قدامها وساكته لا بتتكلم ولا بتعمل اي حاجه غير انها عايشه في دنيا تانيه...
الدكتوره سلوي 
ونصيحتي ليكم في الاخر وبخص بيها اي حد بيحب او متعلق بحد ياريت ما يبقاش اناني ويختار الحاجه اللي هاريحه وتريح الشخص التاني اللي هيكون معاك عشان ما تاذيش حد مالوش ذنب غير انه اتحب منك...