جوزي واختي الاول

انتى بس هتقوللها تجيلك على المكان دا وانا هتصرف فى الباقى
ميار
تمام اتفقنا بس قدم الورق فى المحكمه الاول
محمد
تمام موافق
اسامه
اميره حبيبتى اصحى بقا انتى هتفضلى نايمه كده كتير
اميره 
ايه ي اسامه سيبنى انام شويه
اسامه
لا اصحى علشان نروح نشوف مامتك ولا انتى مش عايزه تروحى لو مش عايزه ممكن اتصل بيها واقولها اميره مش عايزه تيجى
اميره
لا مش عايزه ايه بس خمس ثوانى بالظبط واكون قدامك
اسامه
ماشى متتاخريش
هشام
ماما معلش خدى بالك من الولاد عقبال ما ارجع
الام
وهى فين مقصوفه الرقبه مراتك من الصبح كده
هشام
هى قالتلى انها راحت لاميره فأنا هروحلها على هناك
الام
ماشى ي حبيبى خد بالك من نفسك
هشام وهو بيبوس ايديها
ماشى ي ست الكل
ميار
بس انا ازاى هخرجها من المستشفى واخليها تيجى
محمد
والله دا شغلك انتى بقى انا مليش فيه
ميار 
تمام انا همشى انا دلوقتى وهتصرف وركبت العربيه بتاعتها وراحت على المستشفى ولسه هتدخل لقت هشام فى وشها
هشام 
ايه ي حبيبتى كنتى فين كده
ميار
ايه ها دا انا انا كنت فى المول دا بجيب حاجه
هشام
امم طب انتى اكيد سلمتى على اميره صح
ميار
اه طبعا
هشام 
طب يلا علشان نروح سوا
ميار
بس بس انا
هشام
يلا هنبقى نيجى فى وقت تانى وخدها ومشى
سميره
مخلاص ي اللى على الباب جايه جايه
اميره
مفاجئه وحشتك صح
سميره بعياط وهى بتبوسها
بنتى حبيبتى انتى عامله ايه دلوقتى وحاسه بايه طب فيه حاجه وجعاكى طب
اميره
بس بس ايه دا كله متقلقيش انا كويسه والله ودخلوا وقعدوا
اسامه
ماما معلش عايز اكلمك دقيقه كده
سميره
طب ما تتكلم ي اسامه
اسامه لا معلش عايز اقولك على حاجه بسرعه وقام هو وهى
انا كنت قاعده ومش فاهمه حاجه ومش فاهمه هو قام معاها ليه ومقالش قدامى ليه ايه الحاجه اللى هو مخبيها عنى وفجاه سمعت صوت زعيق ماما
سميره
اه  بقى انت السبب فى دا كله وانا اللى وثقت فيك وقولتلك الحقيقه كلها لا وكمان بقولك انا واثقه انك اللى هتحميها وطلعت انت السبب فى دا كله
انا سمعت دا كله ومبقتش فاهمه اى حاجه يعنى ايه الكلام دا يعنى ايه هو السبب وفجاه افتكرته لما قعد يقولها أنه اسف وهنا جمعت كل حاجه وفهمت أنه اللى عمل فيها كل دا والسبب انها تقعد كل دا فى المستشفى دى
اسامه
والله دا لحظه شيطان انا اسف والله انا بحبك ومقدرش اعيش من غيرك ولسه بيكمل كلام لقى القلم على وشه
اميره
مش عايزه اشوف وشك تانى أخرج من حياتى
اسامه
اضربينى براحتك بس متبعديش عنى انا بحبك
اميره
لو بتحبنى بجد مكنتش هتستحمل انى اتاذى ويلا بره بيتى وورقه طلاقى تيجيلى فى اقرب وقت وسابته ودخلت قوضتها القديمه
سميره
زى ما سمعتها دلوقتى أخرج من بيتى يلا وخرجته وقفلت الباب
ميار
انت واخدنى فين بس
هشام
تعالى هعرفك وبتبص قدامها وقامت مصوته لما شافت محمد مضړوب ومربوط فى الكرسى قدامها
هشام
ايه ي حبيبتى انتى خاېفه كده ليه بس مش هو دا حبيبك
ميار
حبيبى ايه انا معرفهوش
محمد
انتى هتستعبطى ي بت ما انا مش هخسر لوحدى انتى فاهمه
هشام
هشش مش عايز اسمع صوت حد فيكوا ودلوقتى ي حلويين تحبوا تتكلموا على طول ولا اخليكوا تتكلموا بطريقتى
محمد
والله هى اللى قالتلى اعمل كل حاجه وكانت عايزانى ادخل امها المصلحه النفسيه وارفع عليها قضيه علشان تعرف تاخد فلوسها هى واميره
ميار
لا محصلش دا كداب انا مستحيل اعمل كده
محمد 
انا كنت متاكد انك هتبيعينى فى اى وقت بس احب اقولك ان كلامك كله متسجل
هشام
فين التسجيل دا
محمد
لو وريتك التسجيل تسيبنى امشى
هشام
مضنش انك تمشى بس انا هفك الحبل اللى انت مربوط بيه وراح فك الحبل ومحمد طلع التليفون وسمعه تسجيل المكالمه بينهم وهنا ودخل
رجاله شرطه كانوا مستخبيين علشان يسمعوا اعترافهم بنفسهم وخدوهم هما الاتنين ورجع هشام وراح ل اسامه
اسامه
خلصت كل حاجه ي هشام
هشام
اه خلصت بس انت ليه عرفتهم الحقيقه انا عارف انك مكنتش عايز دا كله يحصل وانك بتحبها
اسامه
علشان بحبها بعدت علشان هى تستاهل واحد يدافع عنها دايما ويقف جنبها ومياذيهاش علشان هى احلى واجدع بنت شوفتها فى حياتى
اميره
بس احلى واجدع بنت دى مش بتحب غيرك نعملها ايه بقا وجريت عليه ورجعوا لبعض تانى ومحمد وميار اتحبسوا وخدوا جزائهم لان الشړ عمره ما يدوم ولازم فى يوم ينتهى
وبكده تكون خلصت قصتنا