حكاية فتاه _الاول

ساعتها وانا معرفش ايه اللي حصل بالظبط كل اللي عارفاه ان صحابي البنات دخلوا معايا السچن ده وكل شوية عم متولي ياخد حد منهم لحد مبقاش غير منار صحبتي معايا بس للأسف منار جالها صدمة وبقيت تكلم نفسها وتقول كلام غريب وتصوت في بعض الاحيان عشان كده انا اكني لوحدي في السچن ده..
في الاول كنت بخاف جدا بسبب الاصوات الكتير اللي انا بسمعها بس مع الوقت اتعودت وبقي عادي كنت كل مرة اسمع صوت بنت من البنات تزعل وتصوت وفجأة الصوت يختفي ويدخل عم متولي عشان ياخدها وبعديها محدش بيلاقي ليها اثر انا مش عارفة عم متولي بياخدهم يعمل فيهم ايه بس كل اللي متأكده منه اني لو خرجت من السچن وعم متولي اخدني عارفة ان نهايتي متفق عليها عشان كده كان لازم افكر في حل اني اخرج من السچن ده ضروري او بمعني اصح كلنا نخرج منه
رتبت افكاري ورتبت كل حاجة عم متولي بيدخل كل يوم الساعة ٣ العصر السچن ياخد بنت من البنات والساعة ٩ بيحط لينا الاكل والساعة ١٢ في بنت من البنات تقعد تصوت لغاية ما عم متولي يفتح الباب وياخد البنت دي بس المشكلة اني بسمع صوت غريب صوت البنت مرة واحدة بيختفي وفي نفس الوقت بسمع صوت ضحكة عم متولي بس اللي حصل النهاردة مختلف.
جات الساعة ١٢ وعم متولي اخد البنت اللي بتصوت بس لحسن الحظ الباب كان مفتوح او عم متولي نسي يقفل الباب ودي كانت فرصتي..
قمت بسرعة من مكاني وقلت لمنار ولاول مرة بعد ايام كتير منار تكلم طبيعي وترجع زي الاول اكنها كانت مفتقدة جزء من الامل انها تخرج عشان كده اخدتها واول ما وقفت ناحية الباب عشان اخرج سمعت صوت غريب اول مرة اسمعه صوت غليظ صوت كائن بس الصوت ده مش صوت عم متولي عشان انا عارفة صوت عم متولي كويس الصوت ده كان اشبه بصوت المسخ لكن مخفتش من الصوت انا خفت من اللي شوفته لما خرجت..
انا شوفت ان احنا في مكان ضلمة وفي د. م كتير في المكان واول ما رجلي تخطت باب السچن حسيت برعشة في كل جسمي وفي نفس الوقت سمعت صوت خبط في الحيطان وسويط في كل مكان وبدأت منار تصوت وتقول كلام غريب وفجأة
يتبع..