عشق العنيد من الخلقه الرابعه للسادسه

ينتقم منو بسبب غزال .. خصوصا انو مش متأكد..اتنهد وقال..ابدا..انا..انا كنت بقول يعني هو طلع شغال في المشروع الجديد بس كده
راشد قال ..اه ما انا عارف قلي ..بقولك ايه...هو اتصل وقال انو هيجي هو وقرايب مراتك علشان نتفق ونقري الفاتحه ..هيجو بكره ان شاء الله
شاهر قال بدهشه بكره...يعني يتقدم انهارده ويقري فاتحه بكره ..بالسرعه دي يا عمي
راشد قال..يا ابني خير البر عاجله وبعدين انا عايز اخلص علشان الاسبوع الجاي هنعمل فرح منزر وناوي اعمل خطوبتهم في نفس اليوم
شاهر اتنهد وقال تمام..براحتك يا عمي
عند منزر كان قاعد بيتفرج على التلفزيون وسهام قاعده في حضنو وضهرها مسنود على صدره وبيتفرجو سوا

سهام كانت بتضحك على الفيلم ومنزر ابتسم وقال..قد ايه بعشق ضحكتك .. بحس بأمان الدنيا كلو فيها لو تفضلي تضحكي كده على طول
سهام بصتلو بابتسامه وعيونها بتلمع من جمال كلامو وقالت..تهمك ضحكتي يعني
منزر قال..بلاش تسأليني اسألي قلبك وهيقولك اقل تفاصيلك بتهمني لو حتى رمشه من عيونك
سهام ابتسمت وقربت وقالت قدانم شفايفو...عايزه اثبات
منزر ابتسم بسعاده وعيونه لمعت وهو بيبص لعيونها بعشق وشدها عليه وقرب من شفايفها بس قطع لحظتهم صوت رنه تليفونو
سهام بعدت بخضه وضحكت جامد ومنزر شد شعره لورا وقال..يعني من بين سعات اليوم ال٢٤..يرن دلوقتي..حبكت الاتصالات و
منزر قطع كلامو لما شاف اسم المتصل وارتبك جامد
سهام استغربت وقالت ..فيه ايه مالك..مين الي بيتصل
منزر كنسل وقال بتوتر...لا...لا ده ..ده رقم غريب و
بس سهام سحبت التليفون منو وحاول يمنعها بس ملحقش...بلعت ريقها بۏجع وقالت...نور...هو...هو انت ..انت بتكلمها
منزر قال بسرعه... ابدا والله انا بس ادتلها الرقم علشان لو حبينا نحدد اي مواعيد او هما حبو يسألو على حاجه و
سهام حضنت وشه باديها وقالت
..بحزن..دي هتبقى مراتك يا منزر ..مفيش داعي تبرر..انت مبقتش ملكي لوحدي زي الاول علشان تبررلي
سهام لسه هتمشي مسك ايدها وقال...انا هفضل ملكك طول العمر يا سهام ليكي انتي وبس..دي حاجه انا متأكد منها
سهام اتملت عيونها دموع وكانت نفسها تحضنو ولسه هتقرب التليفون رن تاني
منزر اتنهد بڠصب وسهام بعدت عنو وقالت بحزن..كلمها..انا طالعه خد راحتك
منزر اتنهد وقال....لا طبعا دي اوضتك وبعدين انا هكلمها قدامك ...هشوفها بس عايزه ايه..دقيقتين اتنين اصللا مفيش حاجه بنا تتقال ..هرد علبها اهو..بس وانبي ما اتعيطي تاني
سهام هزت راسها بالموافقه... ومنزر فتح عليها بضيق وقال..نعم..فييه ايه انا مش قولتلك متتصليش الا للضروره
سكت شويه سمعها وقال بزهول وصدمه...نعم...انتي هنا..هنا ازاي في القصر يعني
بقلمي...زهرة الربيع
عند شاهر طلع على اوضتو بضيق بعد ما حس ان مش هينفع يقول لعمه حاجه عن وليد دخل الاوضه بشروود
وكانت غزال بتذاكر بعض الدروس المتأخره
شاهربصلها بالامبالاه وقال...هو انتي لسه بتدرسي
غزال قالت من غير ما تبصلو ..هو انا المفروض ارد عليك
شاهر قعد قصادها واتنهد بضيق وقال..ايه رايك نعمل هدنه..ابن
\عمك الناصح جاي بكره علشان يقرى الفاتحه بعد كده هنعمل خطوبتهم وفررح منزر وفيه ناس كتير هتبقى معزومه وياريت لو تتكرمي تفضلي هاديه..هو انا اكيد مش خاېف منك بس حابب اقضي اليومين دول في هدوء قولتي ايه
غزال وقفت وابتسمت بسخريه وقالت...وانا موافقه..بس بشرط
شاهر ابتسم بسخريه وقال..انتي الي هتشرطي كمان....اتفضلي اتحفيني
غزال بصتلو بغل شديد وقالت..عايز اعرف حړقت اختي وهيه عايشه ليه يا شاهر
شاهر اتحولت ملامحو لڠضب رهيب وقبل ما ينطق قالت..وچثه مين الي اتحولت على المستشفى يومها..عايزه اعرف كل حاجه..واولها ازاي اخدت اختي على البيت الغريب البي كانت فيه..اتكلم يا شاهر ...قټلتها ليه
شاهراتعصب السيره دي بټخنقو والڠضب غيير ملامحو ولسه هيتكلم سمعو صوت وصړاخ من تحت
شاهر قال بزهول..ايه الصوت ده.... ونزل جري وغزال نزات وراه پخوف واول ما نزلو اتفاجأو بسهام ماسكه واحده من شعرها وبتضربها پغضب وهناء ومنى ومنزر بيحاولو يفصلو بينهم
شاهر اتخض وقال ايه ده..مين دي ....وجري ناحيتهم وغزال وقفت جمب حور بتوتر وقالت..فيه ايه يا حور ايه الي بيحصل هنا
حور قالت بارتباك..سهام مرات منزر...بتتخانق مع نور خطيبتو ووووووو

 

الجزء_السادس_غزله_بفك_الضبع
غزال قالت بدهشه ..سهام مراتو بتتخانق مع نور خطيبتو.. ازاي هو منزر متجوز اتنين
حور قالت..لا ياغزال هو متجوز سهام بس نور لسه خطيبتو..بس هيتجوزها قريب
عزال مكانتش فاهمه حاجه بس جريت ناحيتهم ومسكت في سهام مع منزر ومنى وهناء مسكو نور الي كانت مڼهاره وپتبكي جامد
شاهر قال پغضب وزعيق..فيه ايه حد يفهمني ايه الي بيحصل فيه ايه يا منذر
منزر قال بارتباك..مفيش..مفيش نور...نور جايه علشان تتكلم مع ماما بس اتخانقت مع سهام و
بس سهام زقتو وقالت پغضب..هيه سهام الي اتخانقت معاها..مسمعتهاش قالت ايه
منزر لسه هيرد منى قالت بسرعه..معاها حق..انتي غلطتي يا نور مكانش فيه داعي تقولي كده يا بنتي..حقك عليا انا ياسهام
نور بنت جميله و ملامحها غريبه جدا عمرها ١٩ سنه قالت قاصده تغيظ سهام..معاكي حق يا حماتي وبصت لسهام وقالت..انا اسفه يا طنط سهام
سهام اتسعت عنيها بزهول وقالت... طنط...وبصت لهم بدموع وطلعت جري على اوضتها
منزر بص لنور پغضب رهيب وقال..انتي بتستعبطي يا بت انتي..ده انتي تتشافي امها..ايه لزمة الكلام االي زي السم ده انا مش حذرتك ملكش دعوه بيها
شاهر حاول يهديه وقال..منزر مش كده اهدى.. لاكن منزر قال پغضب اكبر..سهام مراتي... مراتي وحبيبتي وانا مكدبتش عليكي ومن الاول قولتلك ملكيش دعوه بيها..لان حتى لو هيه غلطت معاكي هتفضل مراتي وانتي الي هتخسري لان فيه منك كتير قوي
نور نزلت دموعها ومنى قالت..يا ابني عيب كده
منزر قال..العيب عليها هيه..الي داخله بيت هيه ضيفه فيه علشان تتخانق مع صاحبتو
منزر قال كده وطلع ورا سهام پغضب منى قعدت نور وبقت تهديها وشاهر ادالها كبايه ميه بس نور بصتلو جامد جدا واخدت منو الكبايه وقالت بنبره غريبه ..شكرا كلك ذوق
بقلمي...زهرة الربيع
غزال خدت بالها من حركتها واتنهدت بضيق وشاهر كمان اخد بالو بس مهتمش وقال ممكن تكون مش قاصده
غزال قالت ..هو ايه الي حصل يا ماما هناء..سهام تبان هاديه جدا وملهاش في الخناق
هناء قالت بحزن..نور كانت جايه تتكلم شويه مع منى وبعدين منزر جاب سهام تسلم عليها وهيه قالت كلمتين مش حلوين اكيد من غير ما تقصد
نور بصت لها بسخريه وقالت..كل الحكايه انها مستحملتش الحقيقه انا مقولتش حاجه غلط
حور قالت پغضب..دي مش حقيقه ابدا..ازاي تقوليلها انها مودل قديم وله حق يتجوز عليها..على فكره المودل القديم الي مش عجباكي دي مستحيل تاخدي نص مكانتها لو عشتي هنا ميه سنه..سهام قمر ومش انتي الي هتعدلي عليها
نور قالت بلؤم..ايه هو انتي شوفتيها يا حور..علشان تعرفي..على حد علمي انك مش بتشوفي ابدا
حور زعلت جدا من الي قالتو وقالت..فيه ناس مش بتحتاجي عيون علشان تعرفي جمالهم ..وكمان فيه ناس مش بتحتاجي لا عيون ولا وقت علشان تعرفي قد ايه سود من جوه
حور قالت كده ومشيت على اوضتها ونور قالت بحزن مصتنع..هيه زعلت