ابويا عمل فيا چريمه عشان يقدر ياكل اخواتي كامله

وانا و بيجري خبطني حنتور فأغمي عليا و كان راكب الحنتور ده راجل كبير في المقام والهيبه والسلطه كان بيملك بلد بحالها جنب بلدنا  الولد، الراجل نزل من الحنتور وخلاهم خدونب  وودوني بيته المهم انا صحيت ما بتكلمش فضل الراجل ده يخليهم يهتمو بيا ويعالجوني والراجل الكبير ده شاف فيا  ابنه حبني كاني ابنه لانه بعد ما مراته ما ماټت متجوزش وملحقش يخلف..

المهم عدت سنه ورا التاينه والتالته ورا الرابعه وانا ده كبرت واتعلمت كويس وطلعت في بيئه كويسه واتكلمت وقررت انسي اهلي بعد اللي حصل من ابويا.....

والراجل الكبير ده ماټ وسابلي الجمل بما حمل، انا بقي لو كان الراجل سايبلي جنيه خليته ميه والميه خليتها الف، بقيت من اغنياء الدوله مش البلد وبس وفي يوم جالي شغل في بلدي الحقيقه اتردد كتير بس روحت هناك وتلقائياً اول ما روحت سألت ع اهلي...

طبعا محدش يعرف انا مين  ولا ابن الراجل اللي كان هيدبح ابنه ده راح فين المهم الناس قالولي ان الراجل اللي بتسأل عليه ده بقاله خمسه وعشرين سنه مشلۏل وعايش نفس طالع ونفس داخل من لما ابنه الصغير ندهته الارض....

فسألتهم ارض اي وندهت مين، راحو قالولو الكنز اتفتح للعمده بتاع البلد بس الارض مرضيتش تطلع الكنز غير لما خدت ابن الراجل الغلبان ده والكبنز خده العمده لوحده ومداش حد حاجه...

انا زعلت واتعصبت ازي الكنز برضو مراحش لابويا ده كان هيموتني عشانه، المهم قررت اشوف ابويا واشمت فيه واقوله بص انت خسړت وانا اللي كسبت الكنز في اني بعدت عنك....

روحت وانا فرحان ان ابويا بقي مكسور وضعيف بس اول مدخلت بيتنا وشوفته  وهو مرمي ع الارض لوحده مش قادر يتحرك وحال بيتنا بقي اوحش من الاول قلبي اتقبض ونزلت وقعدت جنب ابويا...

وقولتله لي عملت كده لي كنت ھټموټني عشان الفلوس طيب اهو انت ماخدتش فلوس وانا اللي اتفتحلي الكنز، وقولتله لي مش قادر افرح بشكلك ده لي قلبي اتحرق ووجعني عليك لي صعبت عليا رغم اني زمان ما صعبتش عليك وكنت هتدبحني..

دخل عندي راجل كبير في الوقت ده وقالي انا اللي كنت براعي ابوك وكنت صاحبه زمان، انا ما كنتش اعرف اللي هيعمله فيك بس هو ندم ولحظة ندمه دي خسرته الكنز وخسرته ابنه هو كره الارض وحبك انت اكتر...

ووقالي تاني انت ما فرحتش في ابوك لانه ابوك فطرة الانسان والقوه الالهيه اللي ربنا خلقنا بيها تخليك حتي لو كان ابوك دبحك كنت هتسامحه انت تزعل منه تتعصب منه تشيل منه بس مش هتكرهه لو لقيت بيجي عليه هتساعده وهتقتل اللي جه عليك..

_ وانا فعلا سامحت ابويا واخدته معايا وما سألتش في اخواتي اللي سابوه وطفشو من عنده بعد امي ما ماټت...